|
ໃນງານແຂ່ງຂັນຍິງປືນຊີງຂັນໂລກມື້ທຳອິດ, ນັກກິລາຈີນຊີງໄດ້ຫຼຽນຄຳ 5 ຫຼຽນ
cri
Author: mo
ຕາມຂ່າວສານຊີນຮວາ: ວັນທີ 23 ກໍລະກົດເວລາທ້ອງຖິ່ນ, ໃນງານແຂ່ງຂັນຍິງປືນຊີງຂັນໂລກຄັ້ງທີ 49 ທີ່ຈັດຂຶ້ນຢູ່ເມືອງຊາເກັຼບ ນະຄອນຫຼວງໂກຼອາຊີ, ມື້ທຳອິດ, ນັກກິລາຈີນກໍໄດ້ສ້າງຜົນງານດີເດັ່ນ, ຊີງໄດ້ຫຼຽນຄຳ 5 ຫຼຽນໃນ 6 ຫຼຽນຂອງມື້ທຳອິດ.
ໃນນັ້ນ, ທ້າວຜາງເວີຍ ນັກກິລາຈີນຊີງໄດ້ແຊມປຽນຍິງປືນລົມ 10 ແມັດເພດຊາຍ ເຊິ່ງເປັນລາຍການແຂ່ງຂັນຂອງງານກິລາໂອລິມປິກລາຍດຽວໃນ 6 ລາຍການທີ່ແຂ່ງຂັນກັນມື້ນີ້.
ນັກກິລາຈີນຍັງຊີງໄດ້ຫຼຽນຄຳໝູ່ຄະນະຍິງປືນລົມ 10 ແມັດເພດຊາຍ, ຫຼຽນຄຳໝູ່ຄະນະແລະສ່ວນບຸກຄົນໃນການຍິງປືນລົມ 10 ແມັດຊາວໜຸ່ມເຍົາວະຊົນເພດຊາຍ, ພ້ອມດ້ວຍຫຼຽນຄຳໝູ່ຄະນະຍິງປືນລົມ 10 ແມັດຊາວໜຸ່ມເຍົາວະຊົນເພດຍິງ.
|
|
