|
ຈີນຈະແກ້ໄຂຄວາມຂັດແຍ່ງແລະບັນຫາພົ້ນເດັ່ນໃນການໝູນເດີນຂອງເສດຖະກິດຕື່ມອີກ
cri
Author: MO
ຕາມຂ່າວCRI: ຫວ່າງມໍ່ໆນີ້, ທ່ານຫູຈິນທ່າວ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນກ່າວວ່າ, ລັດຖະບານຈີນຕ້ອງເອົາພັດທະນະທັດວິທະຍາສາດຊີ້ນຳພາກສ່ວນທັງໝົດຂອງການພັດທະນາເສດຖະກິດສັງຄົມ, ແກ້ໄຂຄວາມຂັດແຍ່ງແລະບັນຫາພົ້ນເດັ່ນທີ່ຊົງຕົວຢູ່ໃນການໝູນເດີນຂອງເສດຖະກິດ.
ຫວ່າງມໍ່ໆນີ້, ຢູ່ທີ່ປັກກິ່ງ, ສູນກາງພັກກອມມູນິດຈີນໄດ້ຈັດງານສົນທະນາຂອງບຸກຄົນນອກພັກ, ໃນງານສົນທະນາ, ທ່ານຫູຈີນທ່າວກ່າວວ່າ, ໃນ 6 ເດືອນຕົ້ນປິນີ້, ເສດຖະກິດແຫ່ງຊາດຈີນໄດ້ຮັກສາທ່ວງທ່າຂະຫຍາຍຕົວຂ້ອນຂ້າງໄວ, ລາຄາສິນຄ້າອ່າວຕ່ຳແລະໄດ້ຮັບປະສິດທິຜົນດີສົມຄວນ. ເພື່ອເຮັດວຽກເສດຖະກິດໃນ 6 ເດືອນທ້າຍປີໃຫ້ດີ, ລັດຈະຄວບຄຸມຂະໜາດການລົງທຶນຂອງຊັບສິນຄົງທີ່, ເປີດກວ້າງຄວາມຕ້ອງການຂອງພາຍໃນປະເທດຢ່າງຕັ້ງໜ້າ, ຊຸກຍູ້ການສ້າງສາຊົນນະບົດໃໝ່ສັງຄົມນິຍົມ, ຍົກລະດັບໄຂປະຕູສູ່ພາຍນອກໃຫ້ສູງຂຶ້ນ, ຊຸກຍູ້ຂາເຂົ້າຂາອອກຂອງການຄ້າກັບຕ່າງປະເທດໃຫ້ດຸນດ່ຽງກັນ, ແກ້ໄຂບັນຫາທີ່ພົວພັນເຖິງຜົນປະໂຫຍດຕິດຕົວຂອງມວນຊົນໃຫ້ດີຕື່ມອີກ.
|
|
