|
|
 |
| (GMT+08:00)
2006-07-25 17:11:58
|
 |
|
ຈີນວາງແຜນພາລະກິດກິລາໃນ 5 ປີຂ້າງໜ້າ
cri
Author: mo
ຕາມຂ່າວCRI: ວັນທີ 25 ກໍລະກົດ, ຢູ່ທີ່ປັກກິ່ງ, ກົມໃຫຍ່ກິລາແຫ່ງຊາດຈີນໄດ້ປະກາດແຜນການສະບັບໜຶ່ງກ່ຽວກັບການພັດທະນາພາລະກິດກິລາຂອງຈີນແນວໃດໃນ 5 ປີຂ້າງໜ້າ. ແຜນການດັ່ງກ່າວສະເໜີວ່າ, ຕ້ອງຖືງານກິລາໂອລິມປິກປັກກິ່ງປີ 2008 ເປັນໂອກາດ, ຍົກລະດັບບໍລິການກິລາສາທາລະນະຂອງລັດຖະບານຈີນໃຫ້ສູງຂຶ້ນ, ໃຫ້ສາມັນຊົນຈີນຫຼາຍກວ່າເກົ່າໄດ້ຮັບການບໍລິການດ້ານກິລາຫັດກາຍທີ່ສະດວກ. ພ້ອມກັນນັ້ນ, ຕ້ອງຖືໂອກາດຈັດຕັ້ງແລະເຂົ້າຮ່ວມງານກິລາໂອລິມປິກປັກກິ່ງ, ຍົກລະດັບກິລາແຂ່ງຂັນຂອງຈີນໃຫ້ສູງຂຶ້ນຢ່າງຮອບດ້ານ.
ໃນເວລາປະກາດແຜນການດັ່ງກ່າວ, ທ່ານລີວເຜີງ ຫົວໜ້າກົມໃຫຍ່ກິລາແຫ່ງຊາດຈີນ ປະທານຄະນະກຳມະການກິລາໂອລິມປິກຈີນເຜີຍໃຫ້ຮູ້ວ່າ, ໃນ 5 ປີຂ້າງໜ້າ, ຈີນຈະສ້າງສິ່ງກໍ່ສ້າງກິລາສາທາລະນະໃຫ້ຫຼາຍກວ່າເກົ່າ, ໂດຍສະເພາະແມ່ນສິ່ງກໍ່ສ້າງກິລາສາທາລະນະໃນຊົນນະບົດໃຫ້ຫຼາຍກວ່າເກົ່າ. ພ້ອມກັນນັ້ນ, ພາຍໃນ 5 ປີຂ້າງໜ້າ, ຈີນຈະຍົກລະດັບ ກິລາແຂ່ງຂັນໃຫ້ສູງຂຶ້ນເລື້ອຍໆ, ພະຍາຍາມເຮັດໃຫ້ນັກກິລາຈີນໄດ້ຮັບຜົນງານດີເດັ່ນໃນການແຂ່ງຂັນສາກົນທີ່ສຳຄັນເຊັ່ນງານກິລາໂອລິມປິກປັກກິ່ງເປັນຕົ້ນ.
|
|
|
