|
|
 |
| (GMT+08:00)
2006-07-26 18:11:22
|
 |
|
ຈີນອັງກິດຮ່ວມກັນຈັດໂຄງການສ້າງຄວາມສາມາດກົນໄກພັດທະນາຄວາມສະອາດແຂວງກຸ້ຍໂຈວ
cri
Author: MO
ຕາມຂ່າວສານຊີນຮວາ: ວັນທີ 26 ກໍລະກົດ, ຢູ່ເມືອງກຸ້ຍຢາງ ເທດສະບານແຂວງກຸ້ຍໂຈວໄດ້ຈັດພິທີເລີ່ມປະຕິບັດໂຄງການສ້າງຄວາມສາມາດໃນດ້ານກົນໄກພັດທະນາຄວາມສະອາດແຂວງກຸ້ຍໂຈວທີ່ຈີນແລະອັງກິດຮ່ວມມືກັນນັ້ນຢ່າງເປັນທາງການ.
ໂຄງການດັ່ງກ່າວແມ່ນຝ່າຍອັງກິດເປັນຜູ້ອອກທຶນຊ່ອຍເຫຼືອ, ດ້ວຍຮູບການອົບຮົມສ້າງພະນັກງານ ຄົ້ນຄວ້າແລະສຳຫຼວດຢູ່ກັບບ່ອນເປັນຕົ້ນ, ຍົກຄວາມຮັບຮູ້ຕໍ່ການພັດທະນາຄວາມສະອາດຂອງອົງການປົກຄອງແລະວິສາຫະກິດເປັນຕົ້ນ, ຊ່ອຍແຂວງກຸ້ຍໂຈວບັນລຸການພັດທະນາແບບຍືນຍົງ.
ໃນຖານເປັນແຫຼ່ງພະລັງງານແລະອຸດສາຫະກຳທີ່ສຳຄັນຂອງພາກຕາເວັນຕົກຂອງຈີນ, ແຂວງກຸ້ຍໂຈວມີກຳລັງບົ່ມຊ້ອນດ້ານການພັດທະນາຄວາມສະອາດຫຼາຍສົມຄວນໃນດ້ານຍົກປະສິດທິພາບການຜະລິດອຸດສາຫະກຳໃຫ້ສູງຂຶ້ນ, ຍົກປະສິດທິຜົນພະລັງງານ, ພັດທະນາເຂື່ອນໄຟຟ້ານ້ຳຕົກ, ຫັນປ່ຽນອົງປະກອບພະລັງງານ, ນຳໃຊ້ເຄື່ອງເສດຂອງແຂງຢ່າງສັງລວມ, ແລະພັດທະນາພະລັງງານໃໝ່ເປັນຕົ້ນ.
|
|
|
