|
ການຖອນຊາວຈີນຕ່າງດ້າວກັບຄືນປະເທດໄດ້ຮັບປະກັນຄວາມປອດໄພທາງຮ່າງກາຍຂອງຊາວຈີນຕ່າງດ້າວຢ່າງແທ້ຈິງ
cri
Author: min
ຕາມຂ່າວສານຊິນຮວາ: ວັນທີ 25 ກໍລະກົດ, ຜູ້ຮັບຜິດຊອບທີ່ກ່ຽວຂ້ອງຂອງກະຊວງການຕ່າງປະເທດຈີນເວົ້າວ່າ, ວຽກງານລັດຖະບານຈີນຖອນຊາວຈີນຕ່າງດ້າວອອກຈາກລີບັງໃກ້ຈະສ້ຽງສຸດລົງແລ້ວ, ວຽກນີ້ພວກເຮົາໄດ້ເຮັດຢ່າງໄວວາ, ອັນໄດ້ຮັບປະກັນຄວາມປອດໄພທາງຮ່າງກາຍຂອງຊາວຈີນຕ່າງດ້າວຢ່າງແທ້ຈິງ.
ໃນເວລາຕອບຄຳຖາມທີ່ກ່ຽວຂ້ອງຂອງນັກຂ່າວ, ຜູ້ຮັບຜິດຊອບຜູ້ນີ້ເວົ້າວ່າ, ລັດຖະບານຈີນໄດ້ເອົາໃຈໃສ່ນຳການປົກປ້ອງສິດແລະຜົນປະໂຫຍດຊອບກົດໝາຍຂອງພົນລະເມືອງຈີນຕ່າງດ້າວໃນລະດັບສູງຢ່າງສະເໝີຕົ້ນສະເໝີປາຍ, ພາຍຫຼັງປະເທດທີ່ກ່ຽວຂ້ອງເກີດການຈະລາຈົນຫຼືປະທະກັນແລ້ວ, ລັດຖະບານຈີນເອົາໃຈໃສ່ໃນລະດັບສູງນຳການຂະຫຍາຍຕົວຂອງສະພາວະການ, ຮຽກຮ້ອງໃຫ້ກະຊວງການຕ່າງປະເທດແລະສະຖານທູດປະຈຳຢູ່ຕ່າງປະເທດມາດຕະການອັນບັງເກີດຜົນໃນທັນທີ, ຮັບປະກັນຄວາມປອດໄພທາງຊີວິດແລະຊັບສິນຂອງພົນລະເມືອງຈີນ.
ຜູ້ຮັບຜິດຊອບຜູ້ນີ້ເວົ້າວ່າ, ເສດຖະກິດຈີນໄດ້ພັດທະນາຢ່າງວ່ອງໄວ, ກຳລັງສັງລວມແຫ່ງຊາດກໍໄດ້ມີການຍົກສູງຂຶ້ນຢ່າງເດັ່ນຊັດ, ໄດ້ສ້າງພື້ນຖານວັດຖຸອັນແໜ້ນໜາໃຫ້ລັດຖະບານຮັບໃຊ້ແລະປົກປ້ອງພົນລະເມືອງຢູ່ພົ້ນທະເລດີກວ່າເກົ່າ.
|
|
