ຕາມ​ຂ່າ​ວສານ​ຊິນ​ຮວາ:ມື້ວານ​ນີ້(ວັນທີ 26 ກໍລະກົດ),ທ່ານ​ຈ່າງ​ລີ້​ຈູ່ນ ຮອງ​ຫົວ​ໜ້າກົມ​ໃຫຍ່​ອະນຸລັກ​ສິ່ງ​ແວດ​ລ້ອມ​ແຫ່ງຊາດຈີນ​ເວົ້າວ່າ,ຈະກວດກາການ​ປະຕິບັດ​ກົດໝາຍ​ກ່ຽວກັບ​ການອະນຸລັກ​ແຫຼ່ງນ້ຳດື່ມ​ຢ່າງຮອບດ້ານ.

ໃນ6​ເດືອນຕົ້ນປີ​ນີ້,ກົມ​ໃຫຍ່​ອະນຸລັກ​ສິ່ງ​ແວດ​ລ້ອມ​​ແຫ່ງ​ຊາດ​ຈີນໄດ້​ຊຳລະ​ເຫດການ​ສິ່ງ​ແວດ​ລ້ອມທີ່​ເກີດ​ຂຶ້ນ​ກະທັນຫັນ 86 ລາຍ,ສ່ວນ​ຫຼາຍ​ໄດ້ກ່ຽວ​ພັນ​ເຖິງນ້ຳທີ່​ເປັນ​ພິດ.ບົດ​ລາຍ​ງານ​ສຳ​ຫຼວດ​ແຫຼ່ງນ້ຳດື່ມ​ທີ່​ພາກສ່ວນ​ກວດກາ​ສິ່ງ​ແວດ​ລ້ອມ​ປະກາດ​ໃນ​ເດືອນ​ທີ່​ແລ້ວ​ໄດ້​ສະ​ແດງ​ໃຫ້​ເຫັນ​ວ່າ,​ແຫຼ່ງນ້ຳດື່ມໃນ​ເມືອງ​ສຳຄັນ 20% ຂຶ້ນ​ໄປ​ບໍ່​ໄດ້​ມາດຖານ,ມີ​ຊາວ​ກະສິກອນປະມານ 30% ພວມ​ອື່ມນ້ຳທີ່​ບໍ່​ໄດ້ມາດຖານ.

ທ່ານ​ຈ່າງ​ລີ້​ຈູ່ນ​ເວົ້າວ່າ,ກົມ​ໃຫຍ່​ອະນຸລັກ​ສິ່ງ​ແວດ​ລ້ອມ​ແຫ່ງ​ຊາດ​ຈີນຈະ​ຊຳລະ​ບັນຫາ​ແລະ​ຄວາມ​ອັນ​ຕະລາຍ​ທີ່​ຂົ່ມຂູ່​ຄວາມ​ປອດ​ໄພ​ຂ​ອງ​ແຫຼ່ງນ້ຳດື່ມ​ຢ່າງ​ຈິງ​ຈັງ,ຊຳລະ​​ແລະປົວ​ແປງ​ແຫຼ່ງ​​ເຊື່ອມ​ພິດ​ແລະ​ປາກທໍ່​ລະບາຍນ້ຳ​ໂສ​ໂຄກໃນ​ເຂດ​ອະນຸລັກ​​ແຫຼ່ງດື່ມ​ຕາມເວລາຈຳກັດ​.ພາກສ່ວນທີ່​ກ່ຽວຂ້ອງ​ຈະ​ໄດ້​ວາງ​ແລະ​ປັບປຸງ​ແຜນການດ່ວນ​​ເພື່ອຮັບ​ມືກັບ​ເຫດການ​ສິ່ງ​ແວດ​ລ້ອມທີ່​ເກີດຂຶ້ນ​ຢ່າງ​ກະທັນຫັນ​ຍ້ອນ​ແຫຼ່ງນ້ຳດື່ມ​ຖືກ​ເຊື່ອມ​ພິດ​ກ່ອນທ້າຍ​ປີ​ນີ້.