|
ນັບມາຮອດທ້າຍເດືອນມິຖຸນາປີນີ້ ອັດຕາຫວ່າງງານໃນຕົວເມືອງແລະຊົນນະບົດຈີນໄດ້ບັນລຸ 4,2% ເທົ່າກັບລະດັບໃນທ້າຍປີກາຍ
cri
Author: da
ຕາມຂ່າວສານຊິນຮວາ:ວັນທີ27ກໍລະກົດ,ນັກຂ່າວໄດ້ຊາບຈາກກອງປະຊຸມທີ່ກ່ຽວຂ້ອງວ່າ,ນັບມາຮອດທ້າຍເດືອນມິຖຸນາປີນີ້,ໃນຕົວເມືອງແລະຊົນນະບົດຈີນ ຜູ້ຫວ່າງງານທີ່ຈົດທະບຽນແລ້ວນັ້ນໄດ້ບັນລຸ 8 ລ້ານ 3 ແສນ 3 ໝື່ນຄົນ,ອັດຕາຫວ່າງງານໄດ້ບັນລຸ 4,2% ເທົ່າກັບລະດັບຂອງທ້າຍປີກາຍ.
ມື້ດຽວກັນ ຜູ້ຮັບຜິດຊອບທີ່ກ່ຽວຂ້ອງຂອງກະຊວງແຮງງານແລະປະກັນສັງຄົມຈີນເວົ້າວ່າ,ໃນ6ເດືອນຕົ້ນປີນີ້ ຈີນໄດ້ຈັດຕັ້ງປະຕິບັດນະໂຍບາຍຫຼາຍສະບັບເພື່ອຊ່ວຍໃຫ້ປະຊາຊົນໄດ້ປະກອບອາຊີບຄືນໃໝ່,ຊ່ວຍຜູ້ອອກແຮງງານໃຫ້ມີວຽກເຮັດງານທຳຫຼາຍຂຶ້ນ.
ປີນີ້ ລັດຖະບານຈີນວາງຄາດໝາຍໃຫ້ 9 ລ້ານຄົນໃນຕົວເມືອງແລະຊົນນະບົດມີວຽກເຮັດງານທຳ.ເມື່ອຮອດທ້າຍເດືອນມິຖຸນາ,ຜູ້ມີວຽກເຮັດງານທຳໃນຕົວເມືອງແລະຊົນນະບົດຈີນໄດ້ລື່ນກາຍ 6 ລ້ານຄົນ,ບັນລຸຄາດໝາຍຕະຫຼອດປີ 60% ຂຶ້ນໄປ.ຜູ້ຊ່ຽວຊານວິເຄາະວ່າ,ປີນີ້ ແຮງງານໃໝ່ຂອງຈີນຈະບັນລຸລະດັບສູງສຸດ,ຕຳແໜ່ງງານໃໝ່ກໍຈະບັນລຸລະດັບສູງສຸດ.
|
|
