|
|
 |
| (GMT+08:00)
2006-07-28 18:43:48
|
 |
|
ຈີນຄວບຄຸມທຶນຕ່າງປະເທດທີ່ມາເຮັດທຸລະກິດໂທລະຄົມມູນຄ່າເພີ່ມຢູ່ຈີນຢ່າງເຂັ້ມງວດ
cri
Author: mo
ຕາມຂ່າວສານຊີນຮວາ: ນັກທຸລະກິດຕ່າງປະເທດທີ່ມາລົງທຶນເຮັດທຸລະກິດໂທລະຄົມມູນຄ່າເພີ່ມຢູ່ຈີນນັ້ນຈະຖືກຄວບຄຸມຕາມແບບສະບັບ, ການເຊົ່າຢືມແລະຂາຍໃບອະນຸຍາດເພື່ອໄດ້ຮັບສິດທຸລະກິດນັ້ນຖືກຫ້າມຢ່າງເຄັ່ງຄັດ.
ອາທິດນີ້, ກະຊວງອຸດສາຫະກຳຂໍ້ມູນຂ່າວສານຈີນໄດ້ອອກປະກາດວ່າ, ຄົນຕ່າງປະເທດຜູ້ມາລົງທຶນທີ່ຍັງບໍ່ໄດ້ສ້າງວິສາຫະກິດໂທລະຄົມທຶນຕ່າງປະເທດຢູ່ຈີນຕາມກົດໝາຍແລະຍັງບໍ່ໄດ້ຮັບໃບອະນຸຍາດທຸລະກິດໂທລະຄົມເທື່ອນີ້, ຫ້າມບໍ່ໃຫ້ລົງທຶນທຸລະກິດໂທລະຄົມຢູ່ຈີນ. ປະກາດຍັງໄດ້ຫ້າມຢ່າງເຄັ່ງຄັດບໍ່ໃຫ້ບໍລິສັດໂທລະຄົມຂອງຈີນໃຫ້ຢືມເຊົ່າ ໂອນໃຫ້ແລະຂາຍໃບອະນຸຍາດທຸລະກິດໂທລະຄົມມູນຄ່າເພີ່ມໃຫ້ຄົນຕ່າງປະເທດ, ທັງຫ້າມໃຊ້ຮູບການໃດໆສະໜອງຊັບພະຍາກອນ ສະຖານທີ່ ແລະສີ່ງກໍ່ສ້າງໃຫ້ຄົນຕ່າງປະເທດທຸລະກິດວຽກໂທລະຄົມຢ່າງຜິດກົດໝາຍຢູ່ຈີນ.
ບຸກຄົນພາຍໃນຂະແໜງການເຫັນວ່າ, ມາດຕະການໃໝ່ດັ່ງກ່າວອາດຈະກ່ຽວພັນເຖິງເວັບໄຊທຶນຕ່າງປະເທດສ່ວນຫຼາຍຢູ່ຈີນ. ທຶນຕ່າງປະເທດມາເຊົ່າໃຊ້ໃບອະນຸຍາດແລ້ວທຸລະກິດໂທລະຄົມຢູ່ຈີນໄດ້ມີມາຫຼາຍແລ້ວ.
|
|
|
