|
ຕາມຂ່າວຈາກໜັງສືພິມເຢີນມິນຢື້ປ້າວ:ວັນທີ29ກໍລະກົດ,ຢູ່ທີ່ປັກກິ່ງ,ທ່ານນາງເຟີ້ງລານ ຫົວໜ້າກົມການສຶກສາວິທະຍາສາດເຕັກໂນໂລຊີຄະນະກຳມະການວຽກງານຊົນເຜົ່າແຫ່ງຊາດຈີນກ່າວວ່າ,ຈີນຈະສືບຕໍ່ເພິ່ມການບຳລຸງສ້າງຖັນແຖວຄູສອນໃນເຂດຊົນເຜົ່າສ່ວນໜ້ອຍ.
ທ່ານນາງເຟິງລານແມ່ນໃຫ້ທັດສະນະດັ່ງກ່າວໃນພິທີເປີດຊຸດອົບຮົມຄູສອນດີເດັ່ນຊົນນະບົດຂອງເຂດຊົນເຜົ່າທົ່ວປະເທດຈີນ.ຄູສອນດີເດັ່ນຈາກເຂດຊົນເຜົ່າຕ່າງໆຂອງຈີນ80ກວ່າຄົນໄດ້ເຂົ້າຮ່ວມຊຸດອົບຮົມຊຸດນີ້.ຕາມແຜນຂອງລັດຖະບານຈີນ,ຊຸດອົບຮົມປະເພດນີ້ຈະຈັດຂຶ້ນເລື້ອຍໆ,ຄູສອນຍິ່ງຫຼາຍໃນເຂດຊົນເຜົ່າສ່ວນໜ້ອຍຈະໄດ້ຮັບການອົບຮົມ.
ທ່ານນາງເຟີ້ງລານເວົ້າວ່າ,ແຕ່ໃດມາ,ຈີນກໍ່ເອົາໃຈໃສ່ນຳການຂະຫຍາຍການສຶກສາຊົນເຜົ່າ,ຢູ່ໂຮງຮຽນປະຖົມແລະມັດທະຍົມຂອງເຂດຊົນເຜົ່າສອນໜັງສືດ້ວຍພາສາຊົນເຜົ່າ,ຢູ່ທ້ອງຖິ່ນທີ່ຊົນເຜົ່າສ່ວນໜ້ອຍຕັ້ງພູມລຳເນົາລ້ວນແຕ່ມີໂຮງຮຽນຊົນເຜົ່າຊັ້ນສູງ,ພວມອົບຮົມນັກສຶກສາຊົນເຜົ່າຕ່າງໆເປັນພັນເປັນໝື່ນຄົນ.ອຳນາດການປົກຄອງທຸກຂັ້ນກໍ່ສະໜັບສະໜູນການສຶກສາຊົນເຜົ່າຢ່າງແຂງແຮງ.
ຕາມແຜນພັດທະນາຂອງລັດຖະບານຈີນ,ການຂະຫຍາຍພາລະກິດການສຶກສາຂອງເຂດຊົນເຜົ່າສ່ວນໜ້ອຍຈະແມ່ນຈຸດໜັກແຫ່ງການຂະຫຍາຍພາລະກິດການສຶກສາຂອງຈີນໃນກ້າວຕໍ່ໄປ.
|
