ຕາມ​ຂ່າວcri:​ແຕ່​ເດືອນ​ສິງຫາ​ປີ​ກາຍ​​ແລ​ະ​ເດືອນມິ​ຖຸນາປີ​ນີ້,ຈີນ​ໄດ້​​ແລະ​ລົງ​ໂທດ​ຄະດີ​ກິນສິນ​ບົນ​ງວດ​ໜຶ່ງ​,ຈຳນວນ​ເງິນ​ກ່ຽວ​ພັນ​ເຖິງ​ທີ່​ເປັນ​ເງິນເກືອບ2ຕື້​ຢວນ.

ຫ້ອງການ​ໜ່ວຍ​ການນຳ​ທີ່​ແກ້​​ໄຂ​ການ​ສິນ​ບົນ​ທາງ​ດ້ານ​ທຸລະ​ກິດ​ຂອງສູນ​ກາງ​​ຈີນ​ເປີດ​ເຜີຍ​ໃຫ້​ຮູ້​ໃນ​ກອງ​ປະ​ຊຸມຂ່າວ​ທີ່​ຈັດ​ຂຶ້ນ​ຢູ່​ປັກ​ກິ່ງມື້​ນີ້,​ໃນ​ຄະດີ​ກິນສິນ​ບົນດ້ານ​ທຸລະ​ກິດ6900ກວ່າ​ລາຍ​ທີ່​ຖືກ​ສືບສວນ​ແລະລົງ​ໂທດ,ໃນ​ຄະດີ​ທີ່​ກ່ຽວ​ກັບຂົງ​ເຂດ​ການ​ສ້າງສາ​ກິດ​ຈະ​ການ,ການ​ຊື້​ຂາຍຢຸກຢາ,ສິນ​ເຊື່ອ​ຂອງທະນາຄານ,ຫຼັກ​ຊັບ​​ແລະສິນຄ້າ​ທີ່​ສັ່ງ​ຈອງ​ລ່ວງ​ໜ້າ​​ເປັນ​ສ່ວນ​ໃຫຍ່,ຄະດີຫຼາຍ​ກວ່າ20%ກ່ຽວ​ຂ້ອງ​ກັບ​ພະນັກງານຂອງ​ລັດ.

ທ່ານ​ຫຼີຢູ້ບິ່ນ ​ລັດຖະມົນຕີ​ຊ່ວຍວ່າການ​ກະຊວງ​​ກວດກາ​ຂອງ​ຈີນ​ກ່າວ​ໃນ​ກອງ​ປະ​ຊຸມຂ່າວ​ວ່າ,ຈະ​ເພີ່ມ​ການ​ສືບສວນ​ລົງ​ໂທດ​​ໃນ​ຂະ​ແໜງ​ສຳຄັນ​ຕ່າງໆ,ພ້ອມ​ກັນ​ນັ້ນກໍ່​ຈະ​ສືບສວນລົງ​ໂທດ​ຄະດີກິນ​ສິນ​ບົນ​ດ້ານ​ທຸລະ​ກິດ​ທີ່​ກ່ຽວຂ້ອງ​ກັບ​ພະນັກງານ​ລັດ​ຢ່າງ​ເຂັ້ນ​ງວດ,​ສ້າງ​ຕັ້ງ​ແລະ​ປັບປຸງ​ກົນ​ໄກ​ໃຫ້​ມີປະສິດ​ທິຜົນກວດ​ເກົ່າ,​ເພື່ອ​ຕ້ານ​ກາ​ນສໍ້​ລາດ​ບັງ​ຫຼວງ​ແບບ​ຖອນ​ຮາກ.