|
ກິດຈະການສົ່ງນ້ຳພາກໃຕ້ໄປພາກເໜືອຂອງຈີນຈະຮັບປະກັນການໃຊ້ນ້ຳໃນໄລຍະຈັດງານກິລາໂອລິມປິກປັກກິ່ງປີ2008
cri
ຕາມຂ່າວສານຊີນຮວາ,ປີ2008,ກິດຈະການສາຍກາງແຫ່ງການສົ່ງນ້ຳພາກໃຕ້ໄປພາກເໜືອຂອງຈີນຈະສາມາດສົ່ງນ້ຳໃນພາກໃຕ້ຈີນເຂົ້າສູ່ປັກກິ່ງ,ເພື່ອຮັບປະກັນການໃຊ້ນ້ຳໃນໄລຍະຈັດງານກິລາໂອລິມປິກ.
ມື້ນີ້(ວັນທີ1ສິງຫາ)ຢູ່ທີ່ປັກກິ່ງ,ທ່ານຫຼີກົວຢິ່ງ ເຈົ້າໜ້າທີ່ກະຊວງຊົນລະປະທານຈີນໄດ້ເຜີຍໃຫ້ຮູ້ຂ່າວດັ່ງກ່າວ.
ພາກເໜືອຂອງຈີນເຊິ່ງລວມທັງປັກກິ່ງຂາດນ້ຳຢ່າງໜັກໜ່ວງ,ໃຕ້ສະພາບທີ່ໄດ້ພິຈາລະນາມາດຕະການປະຢັດນ້ຳຢ່າງເຕັມສ່ວນແລ້ວ,ຊັບພະຍາ ກອນນ້ຳຂອງພາກເໜືອຍັງບໍ່ສາມາດຕອບສະໜອງກັບຄວາມຕ້ອງການແຫ່ງການພັດທະນາເສດຖະກິດສັງຄົມແລະອະນຸລັກຊີວະພາບໃນອະນາຄົດ.ໃຕ້ສະພາບດັ່ງກ່າວ,ລັດຖະບານຈີນໄດ້ອະນຸມັດກິດຈະການສົ່ງນ້ຳພາກໃຕ້ໄປພາກເໜືອຢ່າງເປັນທາງການໃນປີ2002.
ກິດຈະການດັ່ງກ່າວແມ່ນກິດຈະການສົ່ງນ້ຳທີ່ມີຂະໜາດໃຫຍ່ກວ່າໝູ່ໃນໂລກປັດຈຸບັນ,ມີທາງສົ່ງນ້ຳສາມສາຍ,ຄືສາຍຕາເວັນອອກ,ສາຍກາງແລະສາຍຕາເວັນຕົກ,ລົງທຶນທັງໝົດປະມານ500ຕື້ຢວນ.ໃນນັ້ນ,ສາຍກາງແມ່ນສົ່ງນ້ຳຂອງແມ່ນ້ຳຮ້ານຈ່ຽງ ສາຂາແມ່ນ້ຳຢາງເຊໄປສູ່ປັກກິ່ງ.
|
|
