|
|
 |
| (GMT+08:00)
2006-08-03 17:10:13
|
|
ຈີນກັບມາເລເຊຍຈະດຳເນີນການຮ່ວມມືຮອບດ້ານ
cri
Author: mo
ຕາມຂ່າວສານຊີນຮວາ: ຈີນກັບມາເລເຊຍຈະລົງເລິກການຮ່ວມມືກັນແລະຄາດໝາຍວ່າ, ເມື່ອຮອດປີ 2010, ຈະໃຫ້ມູນຄ່າການຄ້າຫຼາຍກວ່າ 50 ຕື້ໂດລາສະຫະລັດ.
ກອງປະຊຸມສະພາການຄ້າຈີນມາເລເຊຍຄັ້ງທີ 3 ໄດ້ຈັດຂຶ້ນຢູ່ປັກກິ່ງໃນວັນທີ 2 ສິງຫາ. ຝ່າຍຈີນເຫັນວ່າ, ສອງປະເທດຄວນເຮັດໂຄງການຮ່ວມມື, ຊຸກຍູ້ໃຫ້ລະດັບທ້ອງຖິ່ນແລະຂະແໜງການຕ່າງໆຮ່ວມມືກັນໃຫ້ຫຼາຍຂຶ້ນ, ໄດ້ປະກອບສ່ວນເຂົ້າໃນການດຸນດ່ຽງທາງການຄ້າແລະການພັດທະນາເສດຖະກິດການຄ້າຂອງສອງປະເທດ.
ຜູ້ແທນຝ່າຍມາເລເຊຍກ່າວວ່າ, ມາເລເຊຍຈະສ້າງໂອກາດການລົງທຶນໃຫ້ວິສາຫະກິດຈີນ, ເພື່ອໃຫ້ໄປລົງທຶນຢູ່ມາເລເຊຍຫຼາຍກວ່າເກົ່າ.
ມາເລເຊຍແມ່ນຄູ່ຮ່ວມມືດ້ານເສດຖະກິດການຄ້າທີ່ສຳຄັນໃນພາກພື້ນອາຊຽນຂອງຈີນ. ຕາມສະຖິຕິຂອງຝ່າຍຈີນ, ປີກາຍນີ້, ຍອດມູນຄ່າການຄ້າລະຫວ່າງສອງຝ່າຍຫຼາຍກວ່າ 30 ຕື້ໂດລາສະຫະລັດ, ເຊິ່ງເພີ່ມຂຶ້ນຫຼາຍກວ່າໄລຍະດຽວກັນຂອງປີກາຍ 17%.
|
|
|
