|
ນັກປາດອາຊີກາງກ່າວວ່າ, ການຮ້ອງຂໍ "ເສັ້ນທາງຜ້າໄໝ"ເປັນມໍລະດົກໂລກແມ່ນຄວາມປາຖະໜາຮ່ວມຂອງບັນດາປະເທດລຽບເສັ້ນທາງ
cri
Author: min
ຕາມຂ່າວສານຊິນຮວາ: ວັນທີ 4 ສິງຫາ, ນັກປາດອາຊີກາງທີ່ພວມເຂົ້າຮ່ວມ "ກອງປະຊຸມເປິກສາສາກົນກ່ຽວກັບການຮ້ອງຂໍໃຫ້ເສັ້ນທາງຜ້າໄໝເປັນມໍລະດົກໂລກ" ຢູ່ເມືອງທູລູຟານເມືອງພາກຕາເວັນຕົກສຽງເໜືອຂອງຈີນກ່າວວ່າ,"ເສັ້ນທາງຜ້າໄໝບູຮານ" ໄດ້ເສີມຂະຫຍາຍບົດບາດສຳຄັນທີ່ສຸດຕໍ່ການຊຸກຍູ້ການແລກປ່ຽນລະຫວ່າງປະຊາຊົນບັນດາປະເທດແລະການເຊື່ອມໂຍງກັນດ້ານວັດທະນະທຳ, ການຮ້ອງຂໍເສັ້ນທາງຜ້າໄໝເປັນມໍລະດົກໂລກແມ່ນຄວາມປາຖະໜາຮ່ວມຂອງບັນດາປະເທດລຽບເສັ້ນທາງຜ້າໄໝ.
ຜູ້ມາເຂົ້າຮ່ວມ "ກອງປະຊຸມເປິກສາສາກົນກ່ຽວກັບການຮ້ອງຂໍໃຫ້ເສັ້ນທາງຜ້າໄໝເປັນມໍລະດົກໂລກ" 50 ກວ່າຄົນຕ່າງມາຈາກຈີນ, ກາຊັກສະຕັງ, ກຽກກີຊິສຕັງ, ຕາຊີກີສະຕັງ, ອຸສເບກີສະຕັງແລະສູນມໍລະດົກໂລກຂອງອົງການຢູເນສໂກສະຫະປະຊາຊາດ. ວັນທີ 4 ສິງຫາ, ພວກເຂົາເຈົ້າໄດ້ມີຄວາມເຫັນເປັນເອກະສັນກັນກ່ຽວກັບ "ແຜນການເຄື່ອນໄຫວເບື້ອງຕົ້ນຢູ່ທູລູຟັນເພື່ອຮ້ອງຂໍໃຫ້ເສັ້ນທາງຜ້າໄໝເປັນມໍລະດົກໂລກ".
ເສັ້ນທາງຜ້າໄໝບູຮານທາງພາກຕາເວັນອອກເລີ່ມຕົ້ນຢູ່ເມືອງຊາງອານລາຊະທານີບູຮານຂອງຈີນ ຄື:ເມືອງຊີອານແຂວງສ້ານຊີປະຈຸບັນເບື້ອງຕາເວັນຕົກ, ເນັ່ງຜ່ານບັນດາປະເທດອາຊີໃຕ້, ອາຊີກາງຈົນໄປຮອດເອີລົບ, ລວມທັງໝົດຍາວ 7000 ກວ່າກິໂລເມັດ, ຕອນໃນແດນຈີນຍາວ 4000 ກວ່າກິໂລເມັດແມ່ນທາງເສດຖະກິດການຄ້າ, ທາງເຊື່ອມໂຍງວັດທະນະທຳ, ແລະທາງແລກປ່ຽນວິທະຍາສາດເຕັກນິກທາງບົກທີ່ຍາວກວ່າໝູ່ໃນໂລກ.
|
|
