|
ຈີນວາງແຜນປະຕິຮູບການລົງທຶນແລະຈັດຫາທຶນສ້າງທາງລົດໄຟໃນ 5 ປີຂ້າງໜ້າ
cri
Author: mo
ຕາມຂ່າວຈາກໜັງສືພິມເຢິນມີນຢື້ປ້າວສະບັບຕໍ່ຕ່າງປະເທດ: ຫວ່າງມໍ່ໆນີ້, ກະຊວງທາງລົດໄຟຈີນໄດ້ວາງແຜນດຳເນີນການປະຕິຮູບການລົງທຶນແລະຈັດຫາທຶນສ້າງທາງລົດໄຟໃນ 5 ປີຂ້າງໜ້າ, ມາດຕະການທີ່ສົມຄູ່ກັນພວມຈັດວາງຢູ່.
ແຜນການປະຕິຮູບສະບັບນີ້ໄດ້ກຳນົດຈຸດສຳຄັນ 7 ລາຍດັ່ງນີ້ວ່າ: ຂະຫຍາຍຂະໜາດການຮ່ວມທຶນສ້າງທາງລົດໄຟ, ຊຸກຍູ້ໃຫ້ວິສາຫະກິດທາງລົດໄຟເຂົ້າຕະຫຼາດຫຸ້ນຢ່າງຕັ້ງໜ້າ, ຂະຫຍາຍຂະໜາດຈຳໜ່າຍພັນທະບັດສ້າງທາງລົດໄຟ, ຄົ້ນຄວ້າສ້າງຕັ້ງກອງທຶນລົງທຶນດ້ານອຸດສາຫະກຳທາງລົດໄຟ, ຂະຫຍາຍຂະໜາດນຳໃຊ້ທຶນຕ່າງປະເທດ, ຄົ້ນຄວ້າສຳຫຼວດການຈັດຫາທຶນແລະເຊົ່າອຸປະກອນເຄື່ອນທີ່ຂອງທາງລົດໄຟ, ໃຊ້ເງິນກູ້ທະນາຄານຢ່າງເໝາະສົມ.
ຕາມແນະນຳວ່າ: ໃນ 5 ປີຂ້າງໜ້າ, ຈີນຈະສ້າງທາງລົດໄຟສາຍໃໝ່ 1 ໝື່ນ 7 ພັນກິໂລແມັດ, ຈະລົງທຶນ 1250 ຕື້ຢວນ.
|
|
