|
|
 |
| (GMT+08:00)
2006-08-07 20:51:10
|
|
ທະນາຄານພັດທະນາອາຊີຮ່ວມມືກັບຈີນປະຕິບັດແຜນການພັດທະນາທາງຫຼວງຊົນນະບົດ
cri
Author: da
ຕາມຂ່າວສານຊິນຮວາ: ຫວ່າງມໍ່ໆນີ້ ທະນາຄານພັດທະນາອາຊີໄດ້ຕົກລົງປະຕິບັດໂຄງການເຕັກນິກທີ່ຊ່ວຍລັດຖະບານຈີນປະຕິບັດແຜນການພັດທະນາທາງຫຼວງຊົນນະບົດ,ເພື່ອປັບປຸງສະພາບທາງຫຼວງຢູ່ຊົນນະບົດຈີນ.
ແຕ່ປີ2006ຫາປີ2010,ລັດຖະບານຈີນຈະປະຕິບັດແຜນການພັດທະນາທາງຫຼວງຊົນນະບົດໃໝ່,ທະນາຄານພັດທະນາອາຊີຈະປະຕິບັດໂຄງການເຕັກນິກຊ່ອຍເຫຼືອແຜນການດັ່ງກ່າວ,ເພື່ອໄຂຊ່ອງທາງລົງທຶນໃນການຍົກລະດັບທາງຫຼວງຂອງຈີນ,ແລະພະຍາຍາມສຸດຂີດເຮັດໃຫ້ປະຊາກອນທຸກຍາກໄດ້ຮັບຜົນປະໂຫຍດ.ໂຄງການດັ່ງກ່າວຈະບັນລຸຜົນເປັນຈິງໂດຍຜ່ານການດັດແປງທາງຫຼວງໃນທ້ອງຖິ່ນໃຫ້ຕໍ່ກັບທາງຫຼວງແຫ່ງຊາດ.
ຕາມໄດ້ຊາບ,ເມື່ອຮອດປີ2010,ແຜນພັດທະນາຊົນນະບົດໃໝ່ຈະສ້າງທາງຫຼວງຂອງຈີນເພີ່ມຕື່ມ 1 ລ້ານ 2 ແສນກວ່າກິໂລແມັດ,ທາງຫຼວງທັງໝົດຂອງຈີນຈະເພີ່ມຂຶ້ນເປັນ 3 ລ້ານ 2 ແສນກິໂລແມັດ.ງົບປະມານແຜນການດັ່ງກ່າວຄາດຄະເນວ່າຈະບັນລຸ 100 ຕື້ໂດລາ.
|
|
|
