|
ຕາມໜັງສືພິມເຢີນມິນຢື້ປ້າວ: ວັນທີ8ສິງຫາ,ບຸກຄົນອົງການຈັດຕັ້ງຊາວໜຸ່ມໄຕ້ຫວັນທີ່ພວມເຂົ້າຮ່ວມງານມະໂຫລະສົບຊາວໜຸ່ມສອງຝັ່ງຊ່ອງແຄບໄຕ້ຫວັນຄັ້ງປະຖົມມະເລີກຢູ່ທີ່ເມືອງເຊ້ຍເມີນ ແຂວງຟູຈ້ຽນຂອງຈີນພາກັນກ່າວວ່າ,ຊາວໜຸ່ມສອງຝັ່ງຊ່ອງແຄບໄປມາຫາສູ່ກັນແລະແລກປ່ຽນກັນແມ່ນຄວາມປາຖະໜາຮ່ວມຂອງປະຊາຊົນສອງຝັ່ງແລະແງ່ຂະຫຍາຍທີ່ຕ້ອງເປັນໄປ.
ທ່ານເຊີນເວີນອີ້ ປະທານ"ສະມາຄົມນັກທຸລະກິດໄຕ້ຫວັນ"ເວົ້າວ່າ,ງານມະໂຫລະສົບຊາວໜຸ່ມສອງຝັ່ງແມ່ນເວທີທີ່ໃຫ້ຊາວໜຸ່ມສອງຝັ່ງຊ່ອງແຄບໄຕ້ຫວັນຕິດຕໍ່ພົວພັນແລະແລກປ່ຽນກັນ,ຊາວໜຸ່ນໄຕ້ຫວັນສ່ວນຫຼາຍເຫັນດີວ່າບັນພະບຸລຸດຂອງຕົນຢູ່ແຜ່ນດິນໃຫຍ່ປະເທດຊາດ,ແລະກໍ່ໄດ້ເຫັນການພັດທະນາຢ່າງວ່ອງໄວຂອງແຜ່ນດິນໃຫຍ່ໃນຫຼາຍປີມານີ້,ພວກເຂົາເຈົ້າຢາກຊອກຮູ້ແຜ່ນດິນໃຫຍ່,ນີ້ກໍ່ແມ່ນແງ່ຂະຫຍາຍຕົວຢ່າງໜຶ່ງ.
ທ່ານຮູຈີ້ຢູ໋ ຫົວໜ້າບໍລິຫານງານ"ມູນນິທິຊາວໜຸ່ນດີເດັ່ນ10ຄົນຂອງໄຕ້ຫວັນ"ເວົ້າວ່າ, ຊາວໜຸ່ມສອງຝັ່ງຊ່ອງແຄບໄຕ້ຫວັນຕິດຕໍ່ພົວພັນແລະການແລກປ່ຽນກັນແມ່ນເພື່ອອະນາຄົດຂອງປະຊາຊາດຈີນ.ທ່ານຍັງເຫັນວ່າ,ຊາວໜຸ່ມສອງຝັ່ງຕິດຕໍ່ພົວພັນກັນ,ຮ່ຳ ຮຽນເຊິ່ງກັນແລະກັນ,ຮຽນ ເອົາຈຸດດີຂອງຜູ້ອື່ນມາຕາບຈູນຈຸດອ່ອນຂອງຕົນ,ມີຜົນດີຕໍ່ການຂະຫຍາຍພາລະກິດຂອງໃຜລາວໃນອະນາຄົດ.
|
