|
|
 |
| (GMT+08:00)
2006-08-09 20:52:20
|
 |
|
ເວທີປາໄສຊາວໜຸ່ມຈີນອາຊຽນຈັດຂຶ້ນຢູ່ເມືອງອີ້ສີ່ແຂວງຢຸນນານຈີນ
cri
Author: da
ຕາມຂ່າວສານຊິນຮວາ: ວັນທີ 8 ສິງຫາ ເວທີປາໄສຊາວໜຸ່ມຈີນອາຊຽນໄດ້ຈັດຂຶ້ນຢູ່ເມືອງອີ້ສີ່ແຂວງຢຸນນານຈີນ,ຜູ້ແທນ 44 ຄົນທີ່ມາຈາກຈີນແລະ 10 ປະເທດອາຊຽນໄດ້ເຂົ້າຮ່ວມເວທີປາໄສຄັ້ງນີ້,ຈະປະກອບຄຳຄິດຄຳເຫັນຫາລືກັນກ່ຽວກັບຫົວຂໍ້ຕ່າງໆຄືຊາວໜຸ່ມ ການທ່ອງທ່ຽວແລະວັດທະນະທຳ.
ໃນພິທີໄຂກອງປະຊຸມ ທ່ານເຮີ້ຈຸ່ນເຄີ່ ເລຂາທິການຄະນະເລຂາທິການສູນກາງຄະນະຊາວໜຸ່ມກອມມູນິດຈີນເວົ້າວ່າ,ການແລກປ່ຽນແລະການຮ່ວມມືລະຫວ່າງຊາວໜຸາມແມ່ນມີຄວາມໝາຍສຳຄັນຫຼາຍຕໍ່ການຊຸກຍູ້ການລົງເລິກຂະຫຍາຍການຮ່ວມມືລະຫວ່າງຈີນກັບອາຊຽນ,ບັນລຸສັນຕິພາບແລະສະຖຽນລະພາບຂອງພາກພື້ນ.ແຕ່ໃນເວລາດົນນານມານີ້,ອົງການຊາວໜຸ່ມຈີນກັບອົງການຊາວໜຸ່ມລັດຖະບານບັນດາປະເທດອາຊຽນແລະອົງການຊາວໜຸ່ມຕົ້ນຕໍໄດ້ສ້າງຕັ້ງແລະຮັກສາການໄປມາຫາສູ່ກັນດ້ວຍຮູບການຫຼາຍຢ່າງ,ໄດ້ຮ່ວມມືກັນໃນຂົງເຂດຕ່າງໆຢ່າງມີປະສິດທິຜົນ,ປະກອບສ່ວນເຂົ້າໃນການຊຸກຍູ້ການຂະຫຍາຍການພົວພັນໄມຕີຈິດລະຫວ່າງຊາດຢ່າງບໍ່ຢຸດຢັ້ງ.
ເວທີປາໄສຄັ້ງນີ້ໄດ້ສະໜອງແທ່ນໃໝ່ໃຫ້ແກ່ການແລກປ່ຽນລະຫວ່າງຊາວໜຸ່ມຈີນກັບອາຊຽນອີກ.ເວທີປາໄສຈະດຳເນີນເປັນເວລາ10ມື້,ໃນໄລຍະນີ້ ຜູ້ແທນຊາວໜຸ່ມບັນດາປະເທດຈະກ່າວປາຖະກະຖາ,ແລະປູກ"ປ່າໄມ້ລະລຶກມິດຕະພາບຈີນອາຊຽນ",ຍັງຈະທັດສະນະສຶກສາ 10 ກວ່າໂຄງການຢູ່ເມືອງອີ້ສີ່.
|
|
|
