|
|
 |
| (GMT+08:00)
2006-08-09 20:59:02
|
 |
|
ແຂວງເຫີນານຈີນນຳໜ້າສ້າງກົດໝາຍປົກປ້ອງສິດແລະຜົນປະໂຫຍດຂອງຊາວນາທີ່ເຮັດວຽກໃນຕົວເມືອງ
cri
Author: da
ຕາມຂ່າວສານຊິນຮວາ:ແຂວງເຫີນານຂອງຈີນເປັນແຂວງໜຶ່ງມີຊາວນາຫຼາຍກວ່າໝູ່ ປະຈຸບັນນີ້ ແຂວງດັ່ງກ່າວໄດ້ເລີ່ມຂໍຄວາມເຫັນແລະຂໍ້ສະເໜີກ່ຽວກັບການຮ່າງກົດບັນຍັດສະບັບໜຶ່ງຢ່າງເປີດເຜີຍນຳສັງຄົມໂດຍຜ່ານສື່ມວນຊົນ,ກົດບັນຍັດສະບັບນີ້ຈະແມ່ນກົດບັນຍັດທ້ອງຖິ່ນສະບັບທຳອິດທີ່ປົກປ້ອງສິດແລະຜົນປະໂຫຍດຂອງຊາວນາທີ່ເຮັດວຽກໃນຕົວເມືອງຂອງຈີນ.
ໃນຮ່າງກົດບັນຍັດສະບັບນີ້,ບັນຫາສິດແລະຜົນປະໂຫຍດທາງອອກແຮງງານຂອງຊາວນາທີ່ເຮັດວຽກໃນຕົວເມືອງຊຶ່ງມັກຖືກລ່ວງລ້ຳນັ້ນຈະຖືກຈັດເຂົ້າກົດບັນຍັດ,ແລະວາງມາດຕະການຮັບປະກັນທາງກົດໝາຍທີ່ສົມຄູ່ກັນ.ໂດຍສະເພາະແມ່ນໃນດ້ານຂໍ້ຜູກພັນອອກແຮງງານ ການຊຳລະເງິນເດືອນແລະຮັບປະກັນສັງຄົມເປັນຕົ້ນ,ຮ່າງກົດບັນຍັດດັ່ງກ່າວລ້ວນແຕ່ເອົາໃຈໃສ່ຫຼາຍ.
ພາຍຫຼັງໄດ້ປະກາດຮ່າງກົດບັນຍັດແລ້ວ,ແຕ່ລະມື້ໄດ້ຮັບE-mail ແລະຈົດໝາຍຫຼາຍສິບສະບັບ,ສ່ວນຫຼາຍແມ່ນຈາກຊາວນາທີ່ເຮັດວຽກໃນຕົວເມືອງ,ພວກເຂົາເຈົ້າສະເໜີໃຫ້ເພີ່ມຄວາມແຮງໃນການປະຕິບັດກົດໝາຍ,ຫວັງໃຫ້ກົດບັນຍັດລັກສະນະບັງຄັບຫຼາຍກວ່າເກົ່າ.
|
|
|
