|
ທະນາຄານກາງຂອງຈີນກ່າວຢ້ຳວ່າ, ແກ້ໄຂບັນຫາລາຍຮັບກັບລາຍຈ່າຍສາກົນຂອງຈີນບໍ່ສົມກັນອາໄສແຕ່ການຂຶ້ນລາຄາເງິນຢວນຈີນບໍ່ໄດ້
cri
Author: min
ຕາມຂ່າວ CRI: ວັນທີ 9 ສິງຫາ, ທະນາຄານປະຊາຊົນຈີນທີ່ເປັນທະນາຄານກາງຂອງຈີນໄດ້ປະກາດບົດລາຍງານສະບັບໜຶ່ງ, ກ່າວຢ້ຳວ່າ, ການແກ້ໄຂບັນຫາລາຍຮັບກັບລາຍຈ່າຍທາງສາກົນຂອງຈີນບໍ່ສົມດຸນກັນ, ອາໄສແຕ່ການຂຶ້ນລາຄາເງິນຢວນຈີນແມ່ນບໍ່ໄດ້.
ບົດລາຍງານສະບັບນີ້ຂຽນວ່າ, ມູນເຫດທີ່ພາໃຫ້ລາຍຮັບສາກົນຫຼາຍກວ່າ ລາຍຈ່າຍສາກົນຫຼາຍຂັ້ນແມ່ນມີຫຼາຍດ້ານ, ໃນນັ້ນລວມທັງມີຫຼາຍວິສາຫະ ກິດຂ້າມຊາດມາລົງທຶນສ້າງໂຮງງານຢູ່ຈີນພາໃຫ້ມີຜະລິດຕະພັນສົ່ງອອກຢ່າງຫຼວງຫຼາຍ. ນອກນີ້, ອັດຕາເງິນຝາກປະຢັດພາຍໃນປະເທດຈີນອ່າວສູງ, ແຕ່ການບໍລິໂພກບໍ່ພຽງພໍ, ການເຕີບໂຕຂອງເສດຖະກິດອາໄສການຄ້າຂາອອກແລະການລົງທຶນ ຫຼາຍເກີນສ່ວນກໍແມ່ນມູນເຫດສຳຄັນ. ບົດລາຍງານຂຽນວ່າ, ຈີນຄວນໃຊ້ມາດຕະການຫຼາຍຢ່າງເຮັດໃຫ້ການຄ້າທີ່ໄດ້ປຽບຫຼຸດໜ້ອຍລົງ, ຄື ພະຍາຍາມເປີດກວ້າງຄວາມຕ້ອງການຂອງພາຍໃນ, ຫຼຸດເງິນຝາກປະຢັດໃຫ້ໜ້ອຍລົງ, ສົ່ງເສີມການນຳເຂົ້າເຕັກນິກທີ່ກ້າວໜ້າ, ນຳເຂົ້າວັດຖຸດິບສຳຄັນແລະອຸປະກອນສຳຄັນ, ໄຂຕະຫຼາດໃຫ້ກວ້າງອອກແລະເພີ່ມທະວີຄວາມຫົດຍືດຂອງອັດຕາແລກປ່ຽນເງິນຕາເປັນຕົ້ນ.
ນອກນີ້, ບົດລາຍງານຍັງເຫັນວ່າ, ເຖິງວ່າລາຄາເຄື່ອງບໍລິໂພກຈີນດຽວນີ້ໝັ້ນທ່ຽງໃນຂັ້ນພື້ນຖານ, ແຕ່ຍ້ອນຖືກຜົນກະທົບຈາກລາຄານ້ຳມັນເຊື້ອໄຟ, ໂລຫະມີສີ, ອຸປະກອນເຫຼັກກ້າທີ່ແພງຂຶ້ນ, ຄ່ານ້ຳ, ຄ່າໄຟຟ້າແລະອາຍແກ໌ສກໍແພງຂຶ້ນ, ປະຈຸບັນ, ຈີນຍັງມີກຳລັງໜີບທາງເງິນເຟີ້ແອບແຝງຢູ່.
|
|
