|
|
 |
| (GMT+08:00)
2006-08-14 20:56:33
|
 |
|
ທ່ານເຈຍຊີ້ງລີນ ພົບປະທ່ານສີສະຫວາດ ແກ້ວບຸນພັນ
cri
Author: mo
ຕາມຂ່າວCRI：ວັນທີ 14 ສິງຫາ, ຢູ່ທີ່ປັກກິ່ງ, ທ່ານເຈຍຊີ້ງລີນ ປະທານສະພາປຶກສາການເມືອງປະຊາຊົນຈີນກ່າວວ່າ, ພັກແລະລັດຖະບານຈີນຈະສືບຕໍ່ຢູ່ບົນພື້ນຖານທິດທາງການຕ່າງປະເທດທີ່ມີໄມຕີຈິດກັບປະເທດໃກ້ຄຽງ, ເປັນໝູ່ຄູ່ກັບປະເທດໃກ້ຄຽງ, ຊຸກຍູ້ໃຫ້ການພົວພັນຮ່ວມມືຮອບດ້ານລະຫວ່າງຈີນລາວທີ່ໝັ້ນຄົງຍາວນານ ເປັນເພື່ອນບ້ານໃກ້ຄຽງທີ່ດີຕໍ່ກັນ ຕ່າງໄວ້ເນື້ອເຊື່ອໃຈກັນໃຫ້ຂະຫຍາຍໄປສູ່ລະດັບສູງກວ່າເກົ່າແລະເລິກເຊິ່ງກວ່າເກົ່າ. ນຳເອົາຜົນປະໂຫຍດຫຼາຍກວ່າເກົ່າມາໃຫ້ປະຊາຊົນສອງຊາດ.
ທ່ານເຈຍຊີ້ງລີນແມ່ນໃຫ້ທັດສະນະດັ່ງກ່າວໃນເວລາພົບປະທ່ານສີສະຫວາດ ແກ້ວບຸນພັນ ປະທານແນວລາວສ້າງຊາດ. ທ່ານຊີ້ອອກວ່າ, ໃນຫຼາຍປີມານນີ້, ສອງປະເທດມີໝາກຜົນຮ່ວມມືອັນເດັ່ນຊັດໃນຂົງເຂດຕ່າງໆ, ການພົວພັນສອງປະເທດສາມາດເວົ້າໄດ້ວ່າແມ່ນແບບຢ່າງທີ່ຕ່າງເຄົາລົບກັນແລະມີໄມຕິຈິດຕໍ່ກັນ. ຝ່າຍຈີນຍ້ອງຍໍແລະຂອບໃຈພັກແລະລັດຖະບານລາວທີ່ໃຫ້ຄວາມເຂົ້າໃຈແລະສະໜັບສະໜູນໃນບັນຫາສຳຄັນຕ່າງໆທີ່ພົວພັນເຖິງອະທິປະໄຕຂອງຈີນເຊັ່ນ: ໄຕ້ຫວັນ ຕິເບດ ແລະສິດທິມະນຸດເປັນຕົ້ນ.
ທ່ານສີສະຫວາດເວົ້າວ່າ, ແນວລາວສ້າງຊາດຍິນດີເພີ່ມທະວີການແລກປ່ຽນແລະການຮ່ວມມືກັບສະພາປຶກສາການເມືອງປະຊາຊົນຈີນຕື່ມອີກ, ຊຸກຍູ້ໃຫ້ມິດຕະພາບລາວຈີນຂະຫຍາຍໄປໜ້າຢ່າງບໍ່ຢຸດຢັ້ງ.
|
|
|
