|
|
 |
| (GMT+08:00)
2006-08-14 21:00:01
|
 |
|
ພັກກອມມູນິດຈີນຍິນດີສືບຕໍ່ຂະຫຍາຍການຮ່ວມມືຢ່າງມີໄມຕິຈິດກັບພັກປະຊາຊົນປະຕິວັດລາວ
cri
Author: mo
ຕາມຂ່າວCRI: ວັນທີ 14 ສິງຫາ, ຢູ່ທີ່ປັກກິ່ງ, ທ່ານລິສາງຊຸນ ກຳມະການກົມການເມືອງສູນກາງພັກກອມມູນິດຈີນກ່າວວ່າ, ພັກກອມມູນິດຈີນຍິນດີສືບຕໍ່ຂະຫຍາຍການຮ່ວມມືຢ່າງມີໄມຕິຈິດກັບພັກປະຊາຊົນປະຕິວັດລາວບົນພື້ນຖານຫຼັກ 4 ປະການຄື"ເອກະລາດເປັນເຈົ້າຕົນເອງ, ສະເໝີພາບກັນໝົດ, ຕ່າງເຄົາລົບກັນ, ຕ່າງບໍ່ແຊກແຊງວຽກງານພາຍໃນຂອງກັນ", ພ້ອມກັນຊຸກຍູ້ການພົວພັວຮ່ວມມືຮອບດ້ານລະຫວ່າງຈີນລາວໃຫ້ຂະຫຍາຍໄປໜ້າຢ່າງບໍ່ຢຸດຢັ້ງ.
ທ່ານລີສາງຊຸນແມ່ນໃຫ້ທັດສະນະດັ່ງກ່າວໃນເວລາພົບປະທ່ານສີສະຫວາດ ແກ້ວບຸນພັນ ປະທານແນວລາວສ້າງຊາດ ທີ່ນຳໂດຍພັກປະຊາຊົນປະຕິວັດລາວ. ທ່ານລີສາງຊຸນເວົ້າວ່າ, ແຕ່ຈີນລາວສ້າງສາຍສຳພັນ 45 ປີມານີ້, ການພົວພັນສອງພັກສອງລັດໄດ້ຂະຫຍາຍຕົວຢ່າງຮອບດ້ານ, ການຮ່ວມມືໃນຂົງເຂດຕ່າງໆໄດ້ລົງສູ່ລວງເລິກເລື້ອຍໆ. ຄວາມໄວ້ເນື້ອເຊື່ອໃຈກັນ, ສະເໝີພາບຕໍ່ກັນ, ຕ່າງສະໜັບສະໜູນກັນ, ແລະຮ່ວມມືຢ່າງຈິງໃຈນັ້ນແມ່ນຈຸດພິເສດອັນພົ້ນເດັ່ນຂອງການພົວພັວຈີນລາວ. ໃນຫຼາຍປີມານີ້, ການໄປມາຫາສູ່ກັນລະຫວ່າງສອງພັກຈີນລາວໄດ້ມີທ່ວງທ່າຂະຫຍາຍຕົວອັນດີງາມ, ຜູ້ນຳສອງພັກຢ້ຽມຢາມກັນຢ່າງເນື່ອງນິດ, ໄດ້ເພີ່ມພະລັງຊີວິດໃໝ່ໃຫ້ແກ່ການປັບປຸງແລະຂະຫຍາຍມິດຕະພາບທີ່ມີມູນເຊື້ອລະຫວ່າງຈີນລາວ.
ທ່ານລີສາງຊຸນກ່າວວ່າ, ຈີນລາວລ້ວນແຕ່ຍຶດໝັ້ນເດີນຕາມເສັ້ນທາງສັງຄົມນິຍົມ, ການເພີ່ມທະວີການຮ່ວມມືດ້ວຍໄມຕີຈິດທີ່ເປັນເພື່ອນບ້ານໃກ້ຄຽງລະຫວ່າງຈີນລາວບໍ່ພຽງແຕ່ສອດຄ່ອງກັບຜົນປະໂຫຍດກົກຮາກຂອງປະຊາຊົນສອງປະເທດທໍ່ນັ້ນ, ຫາກຍັງມີຜົນດີຕໍ່ການປັບປຸງແລະຂະຫຍາຍພາລະກິດສັງຄົມນິຍົມ.
ທ່ານສີສະຫວາດໄດ້ເຫັນດີເຫັນພ້ອມຕໍ່ການຕີລາຄາອັນຕັ້ງໜ້າຂອງທ່ານລີສາງຊຸນທີ່ມີຕໍ່ການພົວພັນສອງພັກແລະສອງລັດ. ທ່ານເຊື່ອວ່າ, ໃຕ້ຄວາມພະຍາຍາມພ້ອມກັນຂອງສອງຝ່າຍ, ມິດຕະພາບຈີນລາວຍ່ອມຈະຍືນຍົງຕະຫຼອດໄປ.
ທ່ານສີສະຫວາດແມ່ນມາຢ້ຽມຢາມສັນທະວະໄມຕີຕໍ່ຈີນຕາມຄຳເຊີນຂອງທ່ານເຈຍຊີ້ງລີນ ປະທານສະພາປຶກສາການເມືອງປະຊາຊົນແຫ່ງຊາດຈີນແຕ່ວັນທີ 13 ຫາວັນທີ 19 ສິງຫາ.
|
|
|
