|
ຈັງຫວະການເຕີບໂຕຂອງເສດຖະກິດຈີນໃນ 6 ເດືອນທ້າຍປີນີ້ຈະຊ້າລົງ
cri
Author: MO
ຕາມຂ່າວCRI: ວັນທີ 15 ສິງຫາ, ທະນາຄານໂລກປະກາດບົດລາຍງານສະບັບໜຶ່ງກ່າວວ່າ, ພາຍໃຕ້ຜົນສະທ້ອນຂອງມາດຕະການດັດສົມມະຫາພາກແຫ່ງຊາດຈີນ, ໃນ 6 ເດືອນທ້າຍປີນີ້, ຈັງຫວະການເຕີບໂຕຂອງເສດຖະກິດຈີນຈະຊ້າລົງ.
ທະນາຄານໂລກຊີ້ອອກວ່າ, ເພື່ອປ້ອງກັນບໍ່ໃຫ້ເສດຖະກິດພັດທະນາໄວເກີນໄປ, ຫວ່າງມໍ່ໆນີ້, ລັດຖະບານຈີນໄດ້ໃຊ້ມາດຕະການຕ່າງໆເຊັ່ນລວມທັງນະໂຍບາຍຮັດແໜ້ນເງິນຕາຢ່າງເໝາະສົມ, ຄວບຄຸມໂຄງການລົງທຶນໃຫ້ເປັນແບບສະບັບຕື່ມອີກ, ຜ່ອນຄາຍການຈຳກັດບໍ່ໃຫ້ທຶນໄຫຼໄປຕ່າງປະເທດເປັນຕົ້ນ, ມາດຕະການເຫຼົ່ານີ້ພວມບັງເກີດຜົນຢູ່. ສະນັ້ນ, ທະນາຄານໂລກເຫັນວ່າ, ໃນ 6 ເດືອນທ້າຍປີນີ້, ການລົງທຶນແລະການສົ່ງອອກມີສ່ວນປະກອບເຂົ້າໃນການເຕີບໂຕຂອງເສດຖະກິດຈີນນັ້ນຈະຫຼຸດຕ່ຳລົງ, ຈັງຫວະການເຕີບໂຕຂອງເສດຖະກິດໃນໄລຍະດຽວກັນຈະຫຼຸດລົງຮອດ 10% ລົງລຸ່ມ.
|
|
