|
ການລົງທຶນໃນດ້ານອະສັງຫາລິມະຊັບຂອງຈີນຊ້າລົງ,ແຕ່ກໍ່ຍັງຢູ່ໃນລະດັບສູງຢູ່
cri
Author: sayvanny
ຕາມຂ່າວສານຊີນຮວາ: ບົດລາຍງານທີ່ກົມສະຖິຕິແຫ່ງຊາດຈີນປະກາດວັນທີ 16 ສິງຫາສະແດງໃຫ້ເຫັນວ່າ,7 ເດືອນທຳອິດຂອງປີນີ້, ການລົງທຶນດ້ານອະສັງຫາລິມະຊັບໃນຕົວເມືອງຂອງຈີນໄດ້ເພີ່ມຂຶ້ນຫລາຍກວ່າໄລຍະດຽວກັນຂອງປີກາຍ 30,5%, ເພີ່ມຂຶ້ນຊ້າກວ່າ 6 ເດືອນຕົ້ນປີ 0,8%.
ຜູ່ຊ່ຽວຊານຊີ້ອອກວ່າ, ການລົງທຶນໄວເກີນໄປແມ່ນບັນຫາພົ້ນເດັ່ນກວ່າຫມູ່ຂອງເສດຖະກິດຈີນໃນ 6 ເດືອນຕົ້ນປີນີ້,ແລະກໍ່ແມ່ນວຽກງານສຳຄັນກວ່າຫມູ່ຂອງການດັດສົມຄວບຄຸມທາງມະຫາພາກຂອງຈີນໃນ 6 ເດືອນທ້າຍປີນີ້.ໃນເດືອນກໍລະກົດ, ການລົງທຶນດ້ານອະສັງຫາລິມະຊັບຂອງຈີນໄດ້ເພີ່ມຂຶ້ນຊ້າລົງ,ອັນໄດ້ຜ່ອນຄາຍທ່ວງທ່າທີ່ການລົງທຶນໄວຂຶ້ນ,ແຕ່ກໍ່ຍັງຢູ່ໃນລະດັບສູງຢູ່.
ເພື່ອສະກັດກັ້ນການລົງທຶນໄວເກີນໄປ, ເລີ່ມແຕ່ໄຕມາດທີສອງປີນີ້ເປັນຕົ້ນໄປ, ພາກສ່ວນທີ່ກ່ຽວຂ້ອງຂອງຈີນໄດ້ວາງມາດຕະການຕ່າງໆ, ລວມທັງການຂຶ້ນອັດຕາດອກເບ້ຍພື້ນຖານຂອງເງິນກູ້,ກຳນົດມາດຖານການສິ້ນເປືອງພະລັງງານ,ຊຳລະໂຄງການທີ່ສ້າງໃຫມ່ເທື່ອລະໂຄງການເປັນຕົ້ນ. ປັດຈຸບັນ, ມາດຕະການເຫລົ່ານີ້ພວມໄດ້ຮັບຜົນເປັນກ້າວໆ.
|
|
