|
ຈີນໃຊ້ເງິນກູ້ຈາກທະນາຄານພັດທະນາອາຊີສ້າງທາງລົດໄຟໄດ້ 6600 ກວ່າກິໂລແມັດແລ້ວ
cri
Author: sayvanny
ຕາມຂ່າວສານຊີນຮວາ:ຕັ້ງແຕ່ປີ 1989 ເປັນຕົ້ນມາ, ຈີນໄດ້ໃຊ້ເງິນກູ້ຂອງທະນາຄານພັດທະນາອາຊີຫລືເອ.ດີ.ບີໄດ້ສ້າງທາງລົດໄຟໄດ້ເຖິງ 6600 ກວ່າກິໂລແມັດແລ້ວ.
ປີ 1989, ທະນາຄານພັດທະນາອາຊີໄດ້ເລີ່ມໃຫ້ຈີນກູ້ເງິນເພື່ອດຳເນີນໂຄງການສ້າງທາງລົດໄຟ,ນັບມາຮອດທ້າຍປີກາຍນີ້, ນັບລວມແລ້ວຈີນໄດ້ຮັບເງິນກູ້ໃຊ້ເຂົ້າໃນໂຄງການສ້າງທາງລົດໄຟ 13 ໂຄງການ, ມູນຄ່າ 2 ຕື້ 600 ລ້ານກວ່າໂດລາສະຫະລັດ.
ເຈົ້າຫນ້າທີ່ກະຊວງທາງລົດໄຟຈີນເວົ້າວ່າ, ທາງລົດໄຟທີ່ສ້າງຂຶ້ນດ້ວຍເງິນກູ້ຂອງເອ.ດີ.ບີມີບົດບາດນັບມື້ນັບສຳຄັນໃນຕາ ຫນ່າງທາງລົດໄຟຈີນ, ໄດ້ຊຸກຍູ້ເສດຖະກິດຈີນພັດທະນາຢ່າງແຂງແຮງ.
|
|
