|
|
 |
| (GMT+08:00)
2006-08-17 14:45:07
|
 |
|
ຈີນວາງມາດຕະການຄວບຄຸມຄວາມສ່ຽງຂອງສິນເຊື່ອອະສັງຫາລິມະຊັບຢ່າງເຂັ້ມງວດ
cri
Author: sayvanny
ຕາມຂ່າວສານຊີນຮວາ: ໂດຍແນໃສ່ຄວາມສຽງສູງທີ່ອາດຈະຕາມມານຳສິນເຊື່ອອະສັງຫາລິມະຊັບ, ຄະນະກຳມະການຕິດຕາມຄຸ້ມຄອງຂະແຫນງການທະນາຄານຈີນໄດ້ວາງມາດຕະການລະອຽດ,ຊຸກຍູ້ໃຫ້ອົງການທະນາຄານເພີ່ມທະວີແລະປັບປຸງການຄຸ້ມຄອງສິນເຊື່ອອະສັງຫາລິມະຊັບ.
ວັນທີ 16 ສິງຫາ,ຜູ່ຮັບຜິດຊອບທີ່ກ່ຽວຂ້ອງຂອງຄະນະກຳມະການດັ່ງ ກ່າວແນະນຳວ່າ, ຈະຫ້າມຢ່າງເຄັ່ງຄັດບໍ່ໃຫ້ອົງການການເງິນປ່ອຍເງິນກູ້ໃຫ້ວິສາຫະກິດບຸກເບີກເຄຫະແລະຕາດິນທີ່ບໍ່ສອດຄ່ອງກັບເງື່ອນໄຂກູ້ເງິນ; ຕໍ່ວິສາຫະກິດທີ່ສະສົມທີ່ດິນ ເຮືອນຢູ່ແລະລົບກວນລະບຽບການຕະຫລາດ ນັ້ນ,ຕ້ອງຈຳກັດເງິນກູ້ເຄຫະແລະທີ່ດິນໃຫມ່ຢ່າງເຄັ່ງຄັດ;ປ້ອງກັນບໍ່ໃຫ້ວິສາຫະກິດເຫລົ່ານີ້ຕົວະເອົາເງິນກູ້ດ້ວຍເລ່ຫລ່ຽມຕ່າງໆ.
ໃນຫລາຍປີມານີ້, ໂດຍແນໃສ່ບັນຫາທີ່ການລົງທຶນອະສັງ ຫາລິມະຊັບຄືຕາດິນແລະເຄຫະສະຖານເປັນຕົ້ນເພີ່ມຂຶ້ນຫລາຍ,ແລະໄວເກີນໄປ,ລັດ ຖະບານຈີນໄດ້ໃຊ້ມາດຕະການດັດສົມຈຳນວນຫນຶ່ງ, ແລະໄດ້ຮັບຜົນໃນເບື້ອງຕົ້ນ.ແຕ່ວ່າ, ບັນຫາພົ້ນເດັ່ນຈຳນວນຫນຶ່ງຍັງບໍ່ທັນໄດ້ຮັບການແກ້ໄຂຢ່າງເຖິງກົກເຖິງຮາກເທື່ອ,ຄວາມສ່ຽງອັນໃຫຍ່ຫລວງໃນການບຸກເບີກໂຄງ ການເຄຫະແລະຕາດິນບໍ່ຫນ້ອຍໄດ້ຖືກໂອນໄປໃຫ້ທະນາຄານ.ຕາມສະຖິຕິບອກ, ໃນ 7 ເດືອນທຳອິດຂອງປີນີ້, ການລົງທຶນອະສັງຫາລິມະຊັບຂອງທົ່ວປະເທດໄດ້ເພີ່ມຂຶ້ນຫລາຍກວ່າໄລຍະດຽວກັນຂອງປີກາຍ 24%, ແຕ່ອັດຕາເປົ່າຫວ່າງຂອງເຮືອນທີ່ປຸກຂາຍໃນທົ່ວປະເທດພັດຍັງສູງຫລາຍ.
|
|
|
