ຕາມ​ຂ່າວ​ຈາກ​ໜັງສືພິມ​ເຢີ​ນມິນ​ຢື້​ປ້າວ:​ແຕ່​ວັນ​ທີ31​ສິງຫາ​ ຫາ ວັນ​ທີ6ກັນຍາ,ງານ​ສິລະ​ປະກຳ​ອາຊີ​ຄັ້ງ​ທີ8​ຈະ​ຈັດ​ຂຶ້ນ​ຢູ່​ທີ່​ປັກ​ກິ່ງ,"ສັບປະດາວັດທະນະ​ທຳ​ອາ​ຊຽນ"ຈະ​ກາຍ​ເປັນ​ເນື້ອ​ໃນ​ຕົ້ນຕໍ​ຂອງ​ງານ​ສິລະ​ປະກຳ

ໃນ​ນັ້ນ​ລວມທັງ​ການ​ສະ​ແດງສິນລະປະສັງ​ລວມຂະໜາດ​ໃຫຍ່"​ໄຊ​ໂຍ​ໂຮ​ຮ້ອງ​ໃຫ້​ອາຊ​ຽນ"ທີ່​ສິລະ​ປິນອາຊຽນ​ກັບ​ຈີນ​ຮ່ວມ​ກັນຈັດ​ຂຶ້ນ,"ກອງ​ປະຊຸມ​10+3ຂອງ​ເວທີ​ປາ​ໄສ​ຫົວໜ້າ​ຫໍ​ວິຈິດ​ຕະກຳ​ອາຊີ​ຄັ້ງ​ປະຖົມມະ​ລື​ກ"​ແລະ"ງານ​ວາງສະ​ແດງສິລະ​ປະກຳ​ອາຊ​ຽນ-ມະຫັດສະຈັນ​ອາຊີ"​ເປັນ​ຕົ້ນ.

ໃນ"ສັບປະດາ​ວັດທະນະທຳ​ອາຊ​ຽນ"ຂອງ​ງານ​ສິລະ​ປະກຳ​ດັ່ງກ່າວ,​ສິລະ​ປິນຢ່າງ​ຫຼວງ​ຫຼາຍຈາກ​ບຼູ​ໄນ,ລາວ,ມຽນມາ​ແລະ​ໄທ​ຈະ​ສະ​​ແດ​ງຢູ່​ເທິງ​ເວທີ.​ໂດຍ​ສະ​ເພາະ​ແມ່ນ"ການ​ສະ​ແດງຮອບ​ພິ​ເສດ​ສະຫຼອງ​ຈີນ​ກັບ​ລາວ​ສ້າງສາ​ຍສຳພັນ​​ການ​ທູດຄົບ​ຮອບ45​ປີ,ຈະ​ເຮັດ​​ໃຫ້​ມວນຊົນ​ຈີນ​ຊອກ​ຮູ້​ສິລະ​ປະ​ຊົນ​ຊາດ​ລາວ​ຢ່າງຮອບດ້ານ​ແລະ​ເລິກ​ເຊິ່ງກວ່າ​ເກົ່າ.

ເມື່ອ​ທຽບ​ກັບ​ງານ​ສິລະ​ປະກຳອາຊີ​ທີ່​ຜ່ານ​ມາ​ແລ້ວ,ງານ​ສິລະ​ປະກຳ​ອາຊີ​ຄັ້ງ​ທີ8ຍັງ​ຈະ​ເພິ່ມມາດ​ຕະສ່ວນ​ຂອງສິລະ​ປະ​ສະ​ໄໝປັດຈຸບັນ​ໃນ​ການສະ​ແດງ​,ຈາກ​ນັ້ນຜູ້​ຊົມ​ສາມາດ​ຊອກ​ຮູ້ທິດ​ຂະ​ຫຍາຍ​ຫຼ້າ​ສຸດຂອງ​ສິລະ​ປະກຳ​ບັນດາ​ປະ​ເທດ​ອາຊ​ຽນ,ນັກ​ຮ້ອງ​ເພງ​ແບບ​ງ່າຍ​ທີ່​ມີ​ຊື່ສຽງ​ບາງ​ຄົນ​ແລະ​ຄະນະ​ການ​ຟ້ອນ​ທັນ​ສະ​ໄໝບາງ​ຄະນະ​ຂອງ​ອິນ​ໂດ​ເນ​ເຊຍ,ຫວຽດ​ນາມ,ສິງກະ​ໂປ​ແລະ​ມາ​ເລ​ເຊຍ​ກໍ່​ຈະ​ມາສະ​ແດງ​ຢູ່​ຈີນ.