|
ຈີນຈະຫລຸດພາສີໃຫ້ສິນຄ້າ 1700 ຊະນິດທີ່ຜະລິດຢູ່ຫ້າປະເທດອາຊີ
cri
Author: sayvanny
ຕາມຂ່າວສານຊີນຮວາ: ວັນທີ 17 ສິງຫາ,ກະຊວງການເງິນຈີນປະກາດວ່າ, ແຕ່ວັນທີ 1 ກັນຍາປີນີ້ເປັນຕົ້ນໄປ, ໂດຍອີງຕາມຜົນການເຈລະຈາຫລຸດພາສີຮອບທີສາມຂອງສັນຍາການຄ້າອາຊີປາຊິກຟິກ,ຈີນຈະຫລຸດພາສີໃຫ້ສິນຄ້າ 1700 ກວ່າຊະນິດທີ່ຜະລິດຢູ່ລາວ ສ.ເກົາຫລີ ອິນເດຍ ສີລັງກາແລະບັງກຼາເດັດ,ແລະຍັງຈະປະຕິບັດອັດຕາພາສີພິເສດຕໍ່ສິນຄ້າສ່ວນຫນຶ່ງທີ່ຜະລິດຢູ່ລາວແລະບັງກຼາເດັດ.
ຜະລິດຕະພັນທີ່ຈະຫລຸດພາສີແລະປະຕິບັດອັດຕາພາສີພິເສດນັ້ນລວມມີຜະລິດຕະພັນກະສິກຳ,ຢາປົວພະຍາດ,ຜະລິດຕະພັນເຄມີ,ແຜ່ນແພແລະເຄື່ອງນຸ່ງຫົ່ມ,ຜະລິດຕະພັນໂລຫະ ກົນຈັກໄຟຟ້າ ລົດຍົນແລະເຄື່ອງອາໄຫລ່ລົດຍົນເປັນຕົ້ນ.
ກະຊວງການເງິນຈີນກ່າວວ່າ, ການຫລຸດພາສີຮອບໃຫມ່ຈະມີຜົນດີຕໍ່ຈີນເປີດກວ້າງການໄປມາຫາສູ່ກັນດ້ານເສດຖະກິດການຄ້າກັບບັນດາສະມາຊິກທີ່ເຊັນສັນຍາການຄ້າອາຊີປາຊິກຟິກ,ເພື່ອການຮ່ວມມືກັນ.
|
|
