|
|
 |
| (GMT+08:00)
2006-08-18 17:42:04
|
 |
|
ຈີນຈະເພີ່ມທະວີການປະດິດສ້າງຢ່າງເປັນເຈົ້ນຕົນເອງໃນດ້ານວິທະຍາສາດເຕັກນິກສິ່ງແວດລ້ອມ
cri
Author: mo
ຕາມຂ່າວCRI：ມື້ນີ້, ວັນທີ 18 ສິງຫາ, ຢູ່ທີ່ປັກກິ່ງ, ທ່ານໂຈວເສີ່ງສຽນ ຫົວໜ້າກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນກ່າວວ່າ, ຈີນຈະເພີ່ມທະວີການປະດິດສ້າງຢ່າງເປັນເຈົ້ນຕົນເອງໃນດ້ານວິທະຍາສາດເຕັກນິກສິ່ງແວດລ້ອມ, ເລີ່ມປະຕິບັດໂຄງການຄົ້ນຄວ້າວິທະຍາສາດສຳຄັນຕ່າງໆ, ເພື່ອແກ້ໄຂບັນຫາສິ່ງແວດລ້ອມທີ່ປະເຊີນ.
ທ່ານໂຈວເສີ່ງສຽນແມ່ນໃຫ້ທັດສະນະດັ່ງກ່າວໃນກອງປະຊຸມວິທະຍາສາດເຕັກນິກສິ່ງແວດລ້ອມທົ່ວປະເທດຈີນ. ທ່ານແນະນຳວ່າ, ສະພາບວິທະຍາສາດເຕັກນິກສິ່ງແວດລ້ອມຈີນໃນປັດຈຸບັນຍັງບໍ່ສອດຄ່ອງກັບຄວາມຮຽກຮ້ອງດ້ານການອະນຸລັກສິ່ງແວດລ້ອມຂອງຊາດ, ເຊິ່ງສະແດງໃຫ້ເຫັນຢ່າງພົ້ນເດັ່ນໃນດ້ານເຕັກນິກປ້ອງກັນແລະປົວແປງການເຊື່ອມພິດຍັງຢູ່ໃນລະດັບຕ່ຳ, ຂໍ້ມູນຕິດຕາມວັດແທກສິ່ງແວດລ້ອມຂາດເຂີນຢ່າງໜັກໜ່ວງ, ທຶນຄົ້ນຄວ້າວິທະຍາສາດເຕັກນິກສິ່ງແວດລ້ອມບໍ່ພໍຢ່າງໜັກໜ່ວງແລະອື່ນໆ. ເພື່ອຫັນປ່ຽນສະພາບການດັ່ງກ່າວ, ຈີນຈະເພີ່ມການລົງທຶນໃສ່ວິທະຍາສາດເຕັກນິກສິ່ງແວດລ້ອມ, ເລີ່ມປະຕິບັດໂຄງການຄົ້ນຄວ້າວິທະຍາສາດສຳຄັນຕ່າງໆເຊັ່ນປົວແປງການເຊື່ອມພິດນ້ຳ, ແລະລະບົບຕິດຕາມວັດແທກສິ່ງແວດລ້ອມດ້ວຍດາວທຽມເປັນຕົ້ນ, ສົ່ງເສີມໃຫ້ວິສາຫະກິດຄົ້ນຄວ້າພັດທະນາເຕັກນິກແລະຜະລິດຕະພັນດ້ານສິ່ງແວດລ້ອມຢ່າງເປັນເຈົ້າຕົນເອງ.
|
|
|
