|
ຈີນເລັ່ງລັດອົບຮົມການຕ້ານການກໍ່ການຮ້າຍປ້ອງກັນຄວາມປອດໄພງານກິລາໂອລິມປີກ
cri
Author: huachunmei
ຕາມຂ່າວສານຊິນຮວາ, ວັນທີ 17 ສິງຫາ, ຢູ່ທີ່ປັກກິ່ງ, ທ່ານໂຈວຢົງຄ່າງ ທີ່ປຶກສາແຫ່ງລັດຂອງຈີນເວົ້າວ່າ, ຕ້ອງຂ້ຽວເລັ່ງເຝິກຊ້ອມຕ້ານການກໍ່ການຮ້າຍ, ເພື່ອຮັບປະກັນງານກິລາໂອລິມປີກປັກກິ່ງໃນປີ 2008 ໃຫ້ເປັນງານກິລາໂອລິມປີກທີ່ປອດໄພ.
ທ່ານໂຈວຢົງຄ່າງກ່າວຄຳເວົ້ານີ້ໃນເວລາຟັງການລາຍງານວຽກງານກະກຽມປ້ອງກັນຄວາມປອດໄພໃຫ້ແກ່ງານກິລາໂອລິມປີກປັກກິ່ງ. ທ່ານເວົ້າວ່າ, ການຕ້ານການກໍ່ການຮ້າຍແລະປ້ອງກັນເຫດການລະເບີດແມ່ນວຽກປ້ອງກັນທີ່ສຳຄັນກວ່າໝູ່. ງານກິລາໂອລິມປິກປັກກິ່ງຈະອີງໃສ່ລະບົບຕ້ານການກໍ່ການຮ້າຍແລະປ້ອງກັນເຫດການລະເບີດຂອງຊາດ, ສ້າງກົນໄກຈັດການດ່ວນໃນການຮັກສາຄວາມປອດໄພຕ້ານການກໍ່ການຮ້າຍແລະປ້ອງກັນເຫດການລະເບີດ, ຮັບປະກັນບໍ່ໃຫ້ມີການພາດພັ້ງ.
ທ່ານກ່າວຢ້ຳວ່າ, ປີນີ້, ວຽກປ້ອງກັນຄວາມປອດໄພຂອງງານກິລາໂອລິມປິກຈະຫັນເປັນພຶດຕິກຳຕົວຈິງ, ຈະຜ່ານການທົດສອບໃນກິລາໂອລິມປີກຕ່າງໆ, ກວດກາແລະປັບປຸງແຜນການປ້ອງກັນຄວາມປອດໄພຕ່າງໆໃຫ້ດີຂຶ້ນ.
|
|
