|
|
 |
| (GMT+08:00)
2006-08-18 22:18:27
|
 |
|
ຜູ້ແທນວົງການລິຂະສິດຂອງຈີນແລະຕ່າງປະເທດຈະເຕົ້າໂຮມຢູ່ປັກກິ່ງ ພ້ອມກັນຫາລືການພັດທະນາ
cri
Author: mo
ຕາມຂ່າວສານຊີນຮວາ: ເວທີປາໄສລິຂະສິດສາກົນປີ 2006 ເຊິ່ງເປັນກອງປະຊຸມສາກົນທີ່ລັດຖະບານຈີນແລະອົງການຈັດຕັ້ງສາກົນຮ່ວມກັນຈັດຂຶ້ນໃນຂົງເຂດລິຂະສິດເປັນຄັ້ງທຳອິດນັ້ນຈະຈັດຂຶ້ນທີ່ປັກກິ່ງໃນວັນທີ 5 ກັນຍາ. ຜູ້ແທນ 200 ກວ່າທ່ານໃນຂົງເຂດລິຂະສິດຂອງຈີນແລະຕ່າງປະເທດຈະພ້ອມກັນຮ່ວມກັນຫາລືການພັດທະນາຂອງຂະແໜງການລິຂະສິດ.
ວັນທີ 18 ສິງຫາ, ນັກຂ່າວໄດ້ຊາບຈາກງານຖະແຫຼງຂ່າວທີ່ຄະນະຈັດຕັ້ງເວທີປາໄສຈັດຂຶ້ນທີ່ປັກກິ່ງວ່າ, ເວທີປາໄສດັ່ງກ່າວແມ່ນອົງການສິດຊັບສິນທາງປັນຍາຂອງໂລກແລະກົມລິຂະສິດແຫ່ງຊາດຈີນເປັນເຈົ້າພາບຈັດຂຶ້ນ. ເວທີປາໃສໄດ້ເຊີນອົງການລິຂະສິດທີ່ມີຊື່ສຽງໃນໂລກເຊັ່ນສະມາຄົມຮູບເງົາອາເມລິກາແລະສະຫະພັນຊອບແວການຄ້າອາເມລິກາເປັນຕົ້ນ, ແລະວິສາຫະກິດຊື່ດັງຕ່າງໆເຊັ່ນບໍລິສັດດິສນີອາເມລິກາເປັນຕົ້ນ, ພ້ອມດ້ວຍຜູ້ແທນຂອງອົງການພິມຈຳໜ່າຍສາກົນຈຳນວນໜຶ່ງມາແລກປ່ຽນກັບຜູ້ແທນອົງການລັດຖະບານແລະວິສາຫະກິດຈີນ.
ຕົວເລກທີ່ກົມລິຂະສິດແຫ່ງຊາດຈີນສະໜອງໃຫ້ນັ້ນສະແດງໃຫ້ເຫັນວ່າ, ລາຍໄດ້ການຄ້າລິຂະສິດໃນໂລກໄດ້ບັນລຸເຖິງ 110 ຕື້ໂດລາສະຫະລັດຕໍ່ປີ, ແຕ່ອັດຕາສ່ວນຂອງອຸດສາຫະກຳລິຂະສິດຂອງຈີນກວມເສດຖະກິດແຫ່ງຊາດຍັງໜ້ອຍສົມຄວນ.
|
|
|
