|
|
 |
| (GMT+08:00)
2006-08-18 22:22:36
|
 |
|
ຈີນສ້າງອົງການສະເພາະປົກປ້ອງສິດແລະຜົນປະໂຫຍດອັນຊອບກົດໝາຍຂອງວິສາຫະກິດໃນການເຄື່ອນໄຫວທຸລະກິດການຄ້າຢູ່ຕ່າງປະເທດ
cri
Author: mo
ຕາມຂ່າວCRI：ວັນທີ 18 ສິງຫາ,ກະຊວງການຄ້າຈີນໄດ້ສ້າງສູນບໍລິການການຟ້ອງຮ້ອງດ້ານທຸລະກິດການຄ້າຢູ່ຕ່າງປະເທດຂອງວິສາຫະກິດຈີນຢູ່ທີ່ປັກກິ່ງ, ເພື່ອຊ່ອຍວິສາຫະກິດປົກປ້ອງສິດແລະຜົນປະໂຫຍດອັນຊອບກົດໝາຍຂອງເຂົາໃນການເຄື່ອນໄຫວທຸລະກິດການຄ້າຢູ່ຕ່າງປະເທດ.
ທ່ານປໍຊີລາຍ ລັດຖະມົນຕີກະຊວງການຄ້າຈີນກ່າວວ່າ, ການສ້າງອົງການດັ່ງກ່າວນີ້, ຈະເສີມຂະຫຍາຍບົດບາດສຳຄັນໃນການຊຸກຍູ້ວິສາຫະກິດຈີນທຸລະກິດຢູ່ຕ່າງປະເທດເປັນແບບສະບັບ.
ຕາມສະເໜີວ່າ, ອົງການດັ່ງກ່າວຈະສະໜອງການບໍລິການໃຫ້ຄຳປຶກສາແກ່ວິສາຫະກິດຈີນທີ່ດຳເນີນທຸລະກິດການຄ້າຢູ່ຕ່າງປະເທດຫຼືໄປລົງທຶນຢູ່ຕ່າງປະເທດໃນດ້ານນະໂຍບາຍການຄ້າການລົງທຶນຂອງຈີນແລະຕ່າງປະເທດແລະການວິວາດກັນດ້ານກົດໝາຍແພ່ງແລະການຄ້າ, ນອກນັ້ນ, ຍັງຈະຮັບຊຳລະການກ່າວຟ້ອງຂອງວິສາຫະກິດຈີນໃນດ້ານມາດຕະການນະໂຍບາຍທີ່ບໍ່ທ່ຽງທຳແລະກຳແພງຕະຫຼາດຂອງລັດຖະບານແລະອົງການຈັດຕັ້ງຂອງຕ່າງປະເທດ, ແລະຍື່ນໃຫ້ພາກສ່ວນທີ່ກ່ຽວຂ້ອງຂອງລັດຖະບານແກ້ໄຂບັນຫາທີ່ກ່ຽວຂ້ອງໂດຍຜ່ານຊ່ອງທາງກົນໄກຫຼາຍຝ່າຍແລະສອງຝ່າຍ.
|
|
|
