|
|
 |
| (GMT+08:00)
2006-08-20 17:50:38
|
 |
|
ຝ່າຍຈີນຈະສືບຕໍ່ພະຍາຍາມຢ່າງບໍ່ລົດລະເພື່ອທຳລາຍສະພາບການເມືອງທີ່ແຂງກະດ້າງຂອງການພົວພັນລະຫວ່າງຈີນຍີ່ປຸ່ນ
cri
Author: da
ຕາມຂ່າວສານຊິນຮວາ:ວັນທີ20ສິງຫາ ຢູ່ປັກກິ່ງ ທ່ານຖາງເຈຍສວນ ທີ່ປຶກສາແຫ່ງລັດຈີນເວົ້າວ່າ,ຝ່າຍຈີນຈະສືບຕໍ່ພະຍາຍາມຢ່າງບໍ່ລົດລະເພື່ອທຳລາຍສະພາບ ການເມືອງທີ່ແຂງກະດ້າງຂອງການພົວພັນລະຫວ່າງຈີນຍີ່ປຸ່ນ,ຫວັງໃຫ້ຍີ່ປຸ່ນໄປຕາມກະແສປະຫວັດສາດແລະຄວາມປາຖະໜາຮ່ວມຂອງປະຊາຊົນສອງຊາດ,ລົບລ້າງອຸປະສັກທາງການເມືອງໂດຍໄວ,ພ້ອມກັນກັບຝ່າຍຈີນຊຸກຍູ້ການພົວພັນລະຫວ່າງສອງປະເທດໃຫ້ກັບຄືນສູ່ໂຄຈອນເປັນປົກກະຕິໂດຍໄວ.
ທ່ານຖາງເຈຍສວນແມ່ນໃຫ້ທັດສະນະດັ່ງກ່າວໃນເວລາພົບປະທ່ານນາງໂດອີ ຕາກາໂກ ອະດີດປະທານສະພາຕ່ຳຍີ່ປຸ່ນ ອະດີດປະທານພັກສັງຄົມປະຊາທິປະໄຕ.
ທ່ານຖາງເຈຍສວນຊີ້ອອກວ່າ,ການພົວພັນທາງການເມືອງລະຫວ່າງຈີນກັບຍີ່ປຸ່ນແມ່ນຍ້ອນວ່າຜູ້ນຳຍີ່ປຸ່ນດື້ດ້ານຫົວແຂງຊູຊີໄປນະມັດສະການວັດຢາຊູຄູນີ ບູຊາປ້າຍອາດຊະຍາກອນຊັ້ນAໃນສົງຄາມໂລກຄັ້ງທີ2,ນີ້ໄດ້ແຕະຕ້ອງຈິດໃຈຂອງປະຊາຊົນຈີນ,ທຳລາຍພື້ນຖານການເມືອງຂອງການພົວພັນລະຫວ່າງຈີນກັບບີ່ປຸ່ນ.ທ່ານຖາງເຈຍສວນກ່າວເນັ້ນວ່າ,ທ່ານຈູນີຊີໂຣ ໂກອິຊູມິ ນາຍົກລັດຖະມົນຕີຍີ່ປຸ່ນໄປນະມັດສະການວັດຢາຊູຄູນີອີກໃນວັນທີ 15 ສິງຫາ,ການກະທຳທີ່ທ້າທາຍກັບຄວາມເປັນທຳສາກົນ ຢຽບຢ່ຳມະໂນທຳຂອງມະນຸດດັ່ງກ່າວໄດ້ກະໜ່ຳຂະບວນການປັບປຸງການພົວພັນລະຫວ່າງຈີນກັບຍີ່ປຸ່ນຢ່າງໜັກໜ່ວງ,ແລະໄດ້ທຳລາຍໂສມໜ້າສາກົນແລະຜົນປະໂຫຍດແຫ່ງຊາດຂອງຍີ່ປຸ່ນ.
ທ່ານນາງໂດອີ ຕາກາໂກເວົ້າວ່າ,ບົດຮຽນໃນການພົວພັນລະຫວ່າງຍີ່ປຸ່ນຈີນຫັນເປັນປົກກະຕິໄດ້ສະແດງໃຫ້ເຫັນວ່າ:ການໂຄລົບຫຼັກການໃນເອກະສານການເມືອງລະຫວ່າງສອງປະເທດສາມສະບັບເຊັ່ນຖະແຫຼງການຮ່ວມຍີ່ປຸ່ນຈີນເປັນຕົ້ນ,ແມ່ນກົກຮາກຂອງການປົກປັກຮັກສາການພົວພັນລະຫວ່າງຍີ່ປຸ່ນຈີນຂະຫຍາຍຕົວຢ່າງປອດໄສແລະໝັ້ນທ່ຽງ.ການຮູ້ແຈ້ງປະຫວັດສາດຢ່າງຖືກຕ້ອງ,ແມ່ນສຳຄັນທີ່ສຸດສຳລັບການພົວພັນລະຫວ່າງຍີ່ປຸ່ນກັບຈີນ ແລະຕໍ່ການພັດທະນາຂອງຍີ່ປຸ່ນ.
|
|
|
