|
ຕາມຂ່າວສານຊິນຮວາ:ມື້ວານນີ້(ວັນທີ19 ສິງຫາ),"ເວທີປາໄສນິຕິສາດຊ່ອງແຄບໄຕ້ຫວັນ"ຄັ້ງທີ4ທີ່ດຳເນີນເປັນເວລາສອງມື້ໄດ້ສິ້ນສຸດລົງຢູ່ຟູໂຈ່ວ ເມືອງຕາເວັນອອກສຽງໃຕ້ຂອງຈີນ.ບຸກຄົນວົງການນິຕິສາດແລະວົງການກົດໝາຍທີ່ເຂົ້າຮ່ວມເວທີປາໄສຄັ້ງນີ້ໄດ້,ເປັນເອກະສັນກັນເຫັນວ່າຈະຮັກສາການພົວພັນລະຫວ່າງສອງຝັ່ງໃຫ້ຂະຫຍາຍຕົວຢ່າງໝັ້ນທ່ຽງ,ຕໍ່ເນື່ອງແລະມີລະບຽບໂດຍຜ່ານພາຫະນະກົດໝາຍ.
ເວທີປາໄສຍັງເປັນເອກະສັນກັນກ່ຽວກັບການເພີ່ມທະວີການແລກປ່ຽນແລະການຮ່ວມມື,ພ້ອມກັນຊຸກຍູ້ການສ້າງລະບຽບກົດໝາຍຂອງສອງຝັ່ງຊ່ອງແຄບແລະຮົງກົງມາກາວ;ແລະກ່າວວ່າຕ້ອງພ້ອມກັນຊຸກຍູ້ການຮ່ວມມືທາງກົດໝາຍລະຫວ່າງສອງຝັ່ງຊ່ອງແຄບກັບຮົງກົງມາກາວ,ໃຊ້ພາຫະນະກົດໝາຍ,ຮັບປະກັນສິດແລະຜົນປະໂຫຍດທີ່ຊອບກົດໝາຍຂອງພີ່ນ້ອງຮ່ວມຊາດສອງຝັ່ງ.
"ເວທີປາໄສນິຕິສາດຊ່ອງແຄບ"ຕັ້ງຂຶ້ນໃນປີ2003.ຫົວຂໍ້ຫຼັກຂອງເວທີປາໄສຄັ້ງນີ້ແມ່ນ"ການຮ່ວມມືເສດຖະກິດການຄ້າລະຫວ່າງສອງຝັ່ງຊ່ອງແຄບໄຕ້ຫວັນແລະການຮັບປະກັນສິດແລະຜົນປະໂຫຍດ",ເນື້ອໃນລວມທັງບັນຫາກົດໝາຍໃນກົນໄກຮ່ວມມືເສດຖະກິດພາກພື້ນ,ການສ້າງສາເຂດເສດຖະກິດຝັ່ງຕາເວັນຕົກຂອງຊ່ອງແຄບໄຕ້ຫວັນແລະການຮັບປະກັນສິດແລະຜົນປະໂຫຍດຂອງການລົງທຶນເປັນຕົ້ນ.
|
