|
ການໃຊ້ພະລັງງານແລະນ້ຳຂອງນະຄອນປັກກິ່ງໃນ 6 ເດືອນຕົ້ນປີນີ້ໄດ້ຫຼຸດລົງຫຼາຍ
cri
Author: huachunmei
ຕາມຂ່າວໜັງສືພິມເຢີນມີນຢື້ປ້າ, ໃນ 6 ເດືອນຕົ້ນປີນີ້,ການໃຊ້ພະລັງງານແລະນ້ຳຂອງນະຄອນປັກກິ່ງໄດ້ຫຼຸດລົງຫຼາຍ, ຄືຫຼຸດລົງ 7% ແລະ 12% ເມື່ອທຽບກັບໄລຍະດຽວກັນຂອງປີກາຍ.
ຕາມຄະນະກຳມະການພັດທະນາແລະປະຕິຮູບນະຄອນປັກກິ່ງສະເໜີວ່າ, ໃນຫຼາຍປີຜ່ານມາ, ດ້ານໜຶ່ງ, ນະຄອນປັກກິ່ງຂ້ຽວເລັງຫັນປ່ຽນຮູບແບບການເຕີບໃຫຍ່ເສດຖະກິດ, ຊຸກຍູ້ການສັບຊ້ອນອົງປະກອບຜະລິດຕະກຳ, ອອກແຮງພັດທະນາເສດຖະກິດແບບໝູນວຽນ; ອີກດ້ານໜຶ່ງ, ນະຄອນປັກກິ່ງພະຍາຍາມຍົກສູງອັດຕານຳໃຊ້ພະລັງງານ, ຊຸກຍູ້ໃຫ້ການໃຊ້ພະລັງງານຂອງຍອດຜະລິດຕະພັນພາບໃນຫຼື GDP ຫຼຸດໜ້ອຍລົງຄູ່ປີ.
ປັດຈຸບັນ, ສະພາບໃຊ້ພະລັງງານຢູ່ແຫ່ງຕ່າງໆຂອງຈີນໄດ້ເຂົ້າສູ່ໃນໄລຍະທີ່ຄິດໄລ່ປະລິມານແລະເປີດເຜີຍ. ກ່ອນນີ້, ທ່ານໂຈວເຊີງຊຽນ ຫົວໜ້າກົມໃຫຍ່ອະນຸລັກສິ່ງແວດລ້ອມແຫ່ງຊາດຈີນເວົ້າວ່າ, ຈະຖືເອົາການໃຊ້ພະລັງງານແລະຍອດຈຳນວນລະບາຍເຄື່ອງເຊື່ອມພິດຕົ້ນຕໍເປັນສອງຕົວເລກຄາດໝາຍທີ່ຕ້ອງປະຕິບັດໃນການພັດທະນາເສກຖະກິດ, ມີຜົນດີຕໍ່ການຊຸກຍູ້ອົງປະກອບຜະລິດຕະກຳເລື່ອນຂັ້ນ, ຊຸກຍູ້ການຫັນປ່ຽນວິທີເພີ່ມທະວີທາງເສດຖະກິດ.
|
|
