|
|
 |
| (GMT+08:00)
2006-08-21 18:54:34
|
 |
|
ຈີນຈະເພິ່ມການກວດກາຄຸນນະພາບຂອງໃສ້ກອກຊີ້ນປາຍີ່ປຸ່ນທີ່ສົ່ງຂາຍໃຫ້ຈີນ
cri
Author: MO
ຕາມຂ່າວສານຊີນຮວາ: ຍ້ອນໄດ້ກວດເຫັນໃນຜະລິດຕະພັນທີ່ກ່ຽວຂ້ອງມີສານໂຊບິກ ອາຊິດ ກາຍມາດຖານ, ວັນທີ 21 ສິງຫາ, ກົມໃຫຍ່ຕິດຕາມກວດກາຄຸນນະພາບແລະກວດກາພະຍາດແຫ່ງຊາດຈີນໄດ້ຮຽກຮ້ອງໃຫ້ອົງການກວດກາໃນແຫ່ງຕ່າງໆຂອງຈີນເພີ່ມທະວີການກວດກາຄຸນນະພາບແລະກວດກາພະຍາດຕໍ່ໃສ້ກອກຊີ້ນປາຂອງຍີ່ປຸ່ນທີ່ສົ່ງມາຂາຍຈີນ.
ຕາມເຈົ້າໜ້າທີ່ກົມໃຫຍ່ຕິດຕາມກວດກາຄຸນນະພາບແລະກວດກາພະຍາດແຫ່ງຊາດຈີນເຜີຍໃຫ້ຮູ້ວ່າ, ກ່ອນນີ້, ໃນເວລາອົງການກວດກາເມືອງເສີ່ນເຈີ້ນກວດກາໃສ້ກອກຊີ້ນປາທີ່ຜະລິດຢູ່ຍີ່ປຸ່ນນັ້ນ, ໄດ້ກວດເຫັນຜະລິດຕະພັນ 7 ຊະນິດມີໂຊບິກ ອາຊິດສູງກວ່າມາດຖານການໃຊ້ວັດຖຸກັນບູດໃນອາຫານຂອງຈີນ.
ກົມໃຫຍ່ດັ່ງກ່າວໄດ້ສົ່ງຈົດໝາຍໄປຍັງສະຖານທູດຍີ່ປຸ່ນປະຈຳຈີນ, ຮຽກຮ້ອງໃຫ້ພະແນກທີ່ກ່ຽວຂ້ອງຂອງຍີ່ປຸ່ນເພີ່ມທະວີການຄຸ້ມຄອງການປຸງແຕ່ງອາຫານທີ່ສົ່ງຂາຍໃຫ້ຈີນ, ຮັບປະກັນໃຫ້ອາຫານທີ່ສົ່ງຂາຍໃຫ້ຈີນຕ້ອງສອດຄ່ອງກັບມາດຖານແຫ່ງຊາດຂອງຈີນ.
ໂຊບິກ ອາຊິດແມ່ນວັດຖຸກັນບູດຊະນິດໜຶ່ງ, ຖ້າກິນຫຼາຍເກີນໄປຈະເປັນພິດຕໍ່ຮ່າງກາຍ.
|
|
|
