|
|
 |
| (GMT+08:00)
2006-08-22 17:13:32
|
 |
|
ຈີນຈະອອກກົດໝາຍວ່າດ້ວຍການເກືອດຫ້າມຢາເສບຕິດ
cri
Author: huachunmei
ຕາມຂ່າວ CRI , ວັນທີ 22 ສິງຫາ, ກົດໝາຍວ່າດ້ວຍການເກືອດຫ້າມຢາເສບຕິດຈີນໄດ້ສົ່ງໃຫ້ຄະນະປະຈຳສະພາແຫ່ງຊາດຈີນ ເຊິ່ງເປັນອົງການນິຕິບັນຍັດຈີນພິຈາລະນາຢ່າງເປັນທາງການ. ກົດໝາຍສະບັບນີ້ອອກແຮງປ້ອງກັນແລະລົງໂທດຜູ້ຕ້ອງໂທດໃນດ້ານຢາເສບຕິດ, ແລະພະຍາຍາມຫຼຸດຜ່ນຜູ້ເສບຢາເສບຕິດໃໝ່.
ຮ່າງກົດໝາຍກຳນົດວ່າ, ການເກືອດຫ້າມຢາເສບຕິດແມ່ນໜ້າທີ່ຮ່ວມຂອງທົ່ວສັງຄົມ, ຈະມີການຄຸ້ມກັນໂດຍຖືເອົາວຽກການເກືອດຫ້າມຢາເສບຕິດເຂົ້າໃນແຜນພັດທະນາເສດຖະກິດສັງຄົມແຫ່ງຊາດແລະງົບປະມານການເງິນແຫ່ງລັດ. ໂດຍອີງຕາມຮ່າງກົດໝາຍສະບັບນີ້, ຈີນຈະສ້າງແລະປັບປຸງລະບົບຕິດຕາມກວດກາຢາເສບຕິດ ລະບົບຂໍ້ມູນຂ່າວສານການເກືອດຫ້າມຢາເສບຕິດແລະການອອກຂ່າວກ່ຽວກັບວຽກການເກືອດຫ້າມ. ຮ່າງກົດໝາຍຍັງກຳນົດໜ້າທີ່ຂອງທົ່ວສັງຄົມໃນການຊ່ວຍເຫຼື່ອແລະສຶກສາອົບຮົມຜູ້ອອກຢາເສບຕິດ, ແລະມີພາກສະເພາະເພື່ອເພີ່ມການຮ່ວມມືດ້ານການເກືອດຫ້າມຢາເສບຕິດກັບຕ່າງປະເທດ.
ປັດຈຸບັນ, ຢູ່ຈີນ, ມີຜູ້ເສບຢາເສບຕິດ 7 ແສນ 8 ໝື່ນຄົນ, ຢາເສບຕິດຈາກເຂດສາມຫຼ່ຽມຄຳແລະແຫ່ງຕ່າງໆກໍ່ເຂົ້າມາຈີນເປັນຈຳນວນຫຼວງຫຼາຍ.
|
|
|
