|
ຈີນຍິນດີຕ້ອນຮັບທຶນຕ່າງປະເທດແລະວິສາຫະກິດເອກະຊົນເຂົ້າຮ່ວມໂຄງການສະໜອງນ້ຳໃນຕົວເມືອງ
cri
Author: mo
ຕາມຂ່າວCRI: ວັນທີ 22 ສິງຫາ, ທ່ານສິວປາວຊີ້ງ ລັດຖະມົນຕີຊ່ອຍວ່າການກະຊວງກໍ່ສ້າງຈີນກ່າວວ່າ, ຈີນຍິນດີຕ້ອນຮັບວິສາຫະກິດທຶນຕ່າງປະເທດແລະວິສາຫະກິດເອກະຊົນເຂົ້າສູ່ຂະແໜງການຕ່າງໆຂອງຕົວເມືອງເຊັ່ນ: ການສະໜອງນ້ຳປະປາ, ການລະບາຍນ້ຳເປື້ອນ, ການບຳບັດນ້ຳເປື້ອນແລະການໝູນໃຊ້ນ້ຳເປື້ອນທີ່ບຳບັດແລ້ວ.
ໃນງານຖະແຫຼງຂ່າວທີ່ຈັດຂຶ້ນຢູ່ປັກກິ່ງ, ທ່ານສິວປາວຊີ້ງກ່າວວ່າ, 5 ປີຂ້າງໜ້າ, ຕະຫຼາດນ້ຳຂອງຈີນເຊັ່ນການສະໜອງນ້ຳປະປາ, ການລະບາຍນ້ຳ, ການບຳບັດນ້ຳເປື້ອນ, ແລະການໃຊ້ນ້ຳເປື້ອນທີ່ບຳບັດແລ້ວເປັນຕົ້ນຈະຕ້ອງການລົງທຶນລື່ນກາຍ 1 ພັນຕື້ຢວນ. ຂະແໜງການເຫຼົ່ານີ້ແຕ່ກ່ອນແມ່ນລັດວິສາຫະກິດຄວບຄຸມທັງໝົດ, ປັດຈຸບັນ, ລັດຖະບານຈີນໄດ້ຈັດເປັນວຽກງານສຳຄັນຂອງການປະຕິຮູບພາລະກິດບໍລິການສາທາລະນະຫັນເປັນຕະຫຼາດ. ລັດຖະບານຈະໄຂຕະຫຼາດໃນດ້ານນີ້, ເຊີນຊວນວິສາຫະກິດທຶນຕ່າງປະເທດແລະຂອງເອກະຊົນເຂົ້າຮ່ວມ. ຕາມຊາບວ່າ, ຕໍ່ໄປພາຍໜ້າ, ລັດຖະບານຈະໃຊ້ຮູບການອະນຸຍາດໃຫ້ດຳເນີນທຸລະກິດເປັນພິເສດໃນຂະແໜງການເຫຼົ່ານີ້, ແລະຈະຕິດຕາມຄຸ້ມຄອງວິສາຫະກິດໃນດ້ານຄຸນນະພາບ, ແລະລາຄານ້ຳ, ພ້ອມດ້ວຍຄຸນນະພາບຂອງການບໍລິການເປັນຕົ້ນ.
|
|
