|
ງານແນະນຳໂຄງການນັກທຸລະກິດຊາວຈີນອາຊຽນລົງທຶນຢູ່ເຂດຕາເວັນຕົກສຽງໃຕ້ຂອງຈີນຄັ້ງທີ 4 ແລະເວທີປາໄສນັກທຸລະກິດຈີນອາຊີປາຊີຟິກຄັ້ງປະຖົມມະເລີກໄດ້ຈັດຂຶ້ນຢູ່ຄຸນມິງ
cri
Author: mo
ຕາມຂ່າວCRI：ວັນທີ 23 ສິງຫາ, ງານແນະນຳໂຄງການນັກທຸລະກິດຊາວຈີນອາຊຽນມາລົງທຶນຢູ່ເຂດຕາເວັນຕົກສຽງໃຕ້ຂອງຈີນຄັ້ງທີ 4 ແລະເວທີປາໄສນັກທຸລະກິດຈີນອາຊີປາຊີຟິກຄັ້ງປະຖົມມະເລີກໄດ້ຈັດຂຶ້ນຢູ່ຄຸນມິງ ເທດສະບານແຂວງຢຸນນານຈີນ. ໃນພິທີເປີດງານ, ທ່ານໂລຮາວສາຍ ຮອງປະທານສະພາປຶກສາການເມືອງປະຊາຊົນແຫ່ງຊາດຈີນກ່າວວ່າ, ນັກທຸລະກິດຈີນຂອງອາຊຽນພວມປະເຊີນໂອກາດພັດທະນາທີ່ຫາຍາກ.
ທ່ານໂລຮາວສາຍກ່າວວ່າ, ຈີນຈະເລັ່ງລັດຂະບວນການຮ່ວມມືກັບປະເທດອາຊຽນ, ອອກແຮງສ້າງເຂດການຄ້າເສລີທີ່ໃຫຍ່ກວ່າໝູ່ໃນໂລກທີ່ມີປະຊາກອນຫຼາຍກວ່າໝູ່ໃນໂລກແລະປະກອບດ້ວຍປະເທດພວມພັດທະນາ. ການພັດທະນາຂອງຈີນ, ການພົວພັນໄມຕີຈິດລະຫວ່າງຈີນກັບອາຊຽນ, ໂດຍສະເພາະແມ່ນການຂະຫຍາຍການພົວພັນຮ່ວມມືທາງເສດຖະກິດການຄ້າໄດ້ແລະຈະສືບຕໍ່ອຳນວຍໂອກາດທີ່ຫາຍາກໃຫ້ນັກທຸລະກິດຈີນອາຊຽນອັນໄພສານ.
ໃນຫຼາຍປີມານີ້, ເພື່ອຊຸກຍູ້ການໄຂປະຕູແລະການພັດທະນາຂອງເຂດຕາເວັນຕົກສຽງໃຕ້, ລັດຖະບານຈີນໄດ້ວາງນະໂຍບາຍພິເສດຕ່າງໆ, ອົງການປົກຄອງຂອງແຂວງ ເຂດ ແລະກຳແພງນະຄອນທາງພາກຕາເວັນຕົກສຽງໃຕ້ກໍໄດ້ປົວແປງສະພາບແວດລ້ອມການລົງທຶນໃຫ້ດີຂຶ້ນເລື້ອຍໆ. ໂຄງການທີ່ນັກທຸລະກິດຂອງບັນດາປະເທດອາຊຽນລົງທຶນຢູ່ເຂດແຂວງທາງພາກຕາເວັນຕົກສຽງໃຕ້ກໍເພີ່ມຂຶ້ນນຳຄູ່ປີ, ຂະໜາດການລົງທຶນກໍເພີ່ມຂຶ້ນຢ່າງເດັ່ນຊັດ.
|
|
