ຕາມ​ຂ່າວCRI:ການອົບຮົມ​ສາກົນ​ທີ່​ຝ່າຍ​ທາງ​ການ​ຂອງ​ຈີນ​ເປັນ​ຜູ້​ຈັດຂຶ້ນ​ຢູ່​ປັກ​ກິ່ງ​ເພື່ອຊ່ອຍ​ປະ​ເທດ​ພວມ​ພັດທະນາອົບຮົມ​ພະນັກງານ​ເຕັກນິກກວດກາ​ຄວາມ​ປອດ​ໄພ​ຂອງ​ອາຫານ​ໄດ້​ສຳ​ເລັດ​ລົງ​ຢ່າງຈົບ​ງາມ​​ໃນ​ວັນ​ທີ 23 ສິງຫາ.

ການ​ອົບຮົມ​ດັ່ງກ່າວ​​ໄດ້​ເລີ່​ມສິດສອນ​ແຕ່​ວັນ​ທີ 10 ກໍລະກົດ​ເປັນຕົ້ນມາ.ພະນັກງານ 32 ຄົນ​ຂອງ 23 ປະ​ເທດ​ພວມພັດທະນາ​ເຊັ່ນ:ອານບານີແລະກູບາເປັນຕົ້ນ​ໄດ້​ຮັບ​ການ​ອົບຮົມຈາກ​ຝ່າຍ​ຈີນ.ຜູ່​ຊ່ຽວຊານ​ທີ່​ກ່ຽວຂ້ອງ​ຂອງ​ຝ່າຍຈີນ​ໄດ້​ແນະນຳ​ເຕັກນິກ​ກວດກາ​ຄວາມ​ປອດ​ໄພ​ຂອງ​ອາຫານ​​ໃຫ້​ຜູ້​ມາຮຽນ​ຢ່າງ​ລະອຽດ,​ໄດ້​ແນະນຳ​ວິທີ​ກ້າວໜ້າ​ຂອງ​ອາ​ເມ​ລິ​ກາ​ແລະ​ສະຫະພາບ​ເອີ​ລົບ​ໃນ​ດ້ານ​ກວດກາ​ແລະ​ຢັ້ງຢືນອາຫານ​ອິນ​ຊີ​ແລະ​ອາຫານດັດ​ແປງ​ພັນ​ທຸ​ກຳ.

ປະຈຸ​ບັນ,ລະບົບ​ເຕັກ​ນິກກວດກາ​ຄວາມ​ປອດ​ໄພ​ຂອງ​ອາຫານຂອງ​ຈີນ​​ໄດ້​ສ້າງຕັ້ງວິທີ​ກວດກາ​ໃນ​ຫ້ອງ​ທົດ​ລອງ 200 ກວ່າ​ລາຍ,ຄົ້ນຄວ້າ​ຜະລິດ​ຢາ​ທົດ​ລອງ​ທີ່ກ່ຽວຂ້ອງ​ກັບ​ເຕັກນິກ​ກວດກາ ​80 ກວ່າປະ​ເພດແລະ​ເຕັກນິກ​ກວດກາ​ດ່ວນ​ຢູ່​ກັບ​ທີ່,​ແລະ​ໄດ້​ຄົ້ນຄວ້າກັບ​ຢາ​ທົດ​ລອງ​ກວດກາ​ເຊື້ອ​ພະຍາດ​ໄຂ້ຫວັດ​ສັດປີກ​ປະ​ເພດ H5 H7 ​ແລະ H9 ຢ່າງ​ສຳ​ເລັດ​ຜົນ.