|
ຈີນຈະສືບຕໍ່ຕັ້ງໜ້າຊຸກຍູ້ຂະບວນການເຈລະຈາຫວຽດນາມເຂົ້າຮ່ວມອົງການການຄ້າໂລກໃນສະຖານທີ່ຫຼາຍຝ່າຍ
cri
Author: mo
ຕາມຂ່າວCRI: ວັນທີ 23 ສິງຫາ, ທ່ານເວີ່ນເຈຍປາວ ນາຍົກລັດຖະມົນຕີຈີນເວົ້າກັບທ່ານນົງດຶກແໝ້ງວ່າ, ຈີນຈະສືບຕໍ່ຕັ້ງໜ້າຊຸກຍູ້ຂະບວນການເຈລະຈາກ່ຽວກັບຫວຽດນາມເຂົ້າຮ່ວມອົງການການຄ້າໂລກໃນສະຖານທີ່ຫຼາຍຝ່າຍ.
ໃນເວລາພົບປະທ່ານນົງດຶກແໝ້ງ, ທ່ານເວີ່ນເຈຍປາວເວົ້າວ່າ, ໃນຫຼາຍປີມານີ້, ການພົວພັນເສດຖະກິດການຄ້າລະຫວ່າງຈີນກັບຫວຽດນາມໄດ້ຂະຫຍາຍຕົວຢ່າງວ່ອງໄວ, ໄດ້ຈໍ່ຕົວເປັນສະຖານະພາບທີ່ຮ່ວມມືກັນຢ່າງຮອບດ້ານໃນຫຼາຍຂົງເຂດ. ເພື່ອຊຸກຍູ້ໃຫ້ການພົວພັນເສດຖະກິດການຄ້າລະຫວ່າງສອງປະເທດຂະຫຍາຍໄປສູ່ທິດທີ່ເລິກເຊິ່ງກວ່າເກົ່າແລະກວ້າງຂວາງກວ່າເກົ່າ, ສອງຝ່າຍຕ້ອງວາງແຜນເປັນເອກະພາບກັນ, ເຮັດໃຫ້ຈຸດສຳຄັນພົ້ນເດັ່ນຂຶ້ນ, ປະຕິບັດໂຄງການຮ່ວມມືເສດຖະກິດຂະໜາດໃຫຍ່ແລະສຳຄັນທີ່ຕົກລົງກັນນັ້ນໃຫ້ດີ; ສະໜັບສະໜູນເຊິ່ງກັນແລະກັນ, ປະສານສົມທົບກັນຢ່າງແໜ້ນແຟ້ນ, ຊຸກຍູ້ອົງການຮ່ວມມືເສດຖະກິດພາກພື້ນແລະອະນຸພາກພື້ນໃຫ້ຂະຫຍາຍຕົວອອກ.
|
|
