|
|
 |
| (GMT+08:00)
2006-08-23 21:11:58
|
 |
|
ສະພາປະຊາຊົນແຫ່ງຊາດຈີນຍິນດີໄປມາຫາສູ່ກັນຢ່າງໃກ້ຊິດກວ່າເກົ່າກັບສະພາແຫ່ງຊາດຫວຽດນາມ
cri
Author: mo
|
ຕາມຂ່າວCRI：ວັນທີ 23 ສິງຫາ, ຢູ່ທີ່ປັກກິ່ງ, ທ່ານອູປ່າງໂກວ ປະທານຄະນະປະຈຳສະພາປະຊາຊົນແຫ່ງຊາດຈີນກ່າວວ່າ, ສະພາປະຊາຊົນແຫ່ງຊາດຈີນຍິນດີໄປມາຫາສູ່ກັນຢ່າງໃກ້ຊິດກວ່າເກົ່າກັບສະພາແຫ່ງຊາດຫວຽດນາມ, ເພີ່ມທະວີການແລກປ່ຽນແລະຮ່ວມມືກັນໃນອົງການສະພາສາກົນແລະພາກພື້ນ.
ໃນເວລາພົບປະທ່ານນົງດຶກແໝ້ງ ເລຂາທິການໃຫຍ່ສູນກາງພັກກອມມູນິດຫວຽດນາມ, ທ່ານອູປ່າງໂກວກ່າວວ່າ, ສະພາປະຊາຊົນແຫ່ງຊາດຈີນຍິນດີແລກປ່ຽນບົດຮຽນການປົກຄອງປະເທດແລະການສ້າງສາປະຊາທິປະໄຕແລະລະບອບກົດໝາຍກັບສະພາແຫ່ງຊາດຫວຽດນາມ, ພ້ອມກັນປະກອບສ່ວນໃໝ່ເຂົ້າໃນການຂະຫຍາຍການພົວພັນຈີນຫວຽດນາມໃຫ້ລົງສູ່ລວງເລິກ.
ທ່ານນົງດຶກແໝ້ງໄດ້ຕີລາຄາສູງຕໍ່ຄວາມສຳຄັນຂອງການໄປມາຫາສູ່ກັນລະຫວ່າງສະພາແຫ່ງຊາດຂອງສອງປະເທດ. ທ່ານເວົ້າວ່າ, ຝ່າຍຫວຽດນາມຍິນດີຮ່ຳຮຽນແລະຖອດຖອນບົດຮຽນອັນລ້ຳຄ່າຂອງສະພາປະຊາຊົນແຫ່ງຊາດຈີນໃນຂົງເຂດນິຕິບັນຍັດແລະການຕິດຕາມກວດກາ.
|
|
|
