|
|
 |
| (GMT+08:00)
2006-08-24 19:13:38
|
 |
|
ຈີນຈະເດີນຕາມເສັ້ນທາງພັດທະນາໂດຍສັນຕິຢ່າງໜຽວແໜ້ນ ຈະບໍ່ເປັນເຈົ້າອຳນາດຈົນເທົ່າໃດໆ
cri
Author: da
ຕາມຂ່າວCRI:ຈີນຈະເດີນຕາມເສັ້ນທາງພັດທະນາໂດຍສັນຕິຢ່າງເດັດດ່ຽວໜຽວແໜ້ນ,ຈະບໍ່ເປັນເຈົ້າອຳນາດຈົນເທົ່າໃດໆ,ແລະຈະສົ່ງເສີມສັນຕິພາບຂອງໂລກດ້ວຍການພັດທະນາຂອງຕົນເອງ.
ນີ້ແມ່ນກອງປະຊຸມວຽກງານການຕ່າງປະເທດສູນກາງຈີນກ່າວຢ້ຳໃນພິທີອັດປະຊຸມໃນວັນທີ23ສິງຫາ.ທ່ານຫູຈີນທາວ ປະທານປະເທດຈີນແລະທ່ານອື່ນໆກໍໄດ້ເຂົ້າຮ່ວມກອງປະຊຸມທີ່ດຳເນີນເປັນເວລາສາມມື້.
ກອງປະຊຸມໃຫ້ຄຳໝັ້ນສັນຍາວ່າ,ຈີນຈະສະແຫວງຫາສັນຕິພາບດ້ວຍການຮ່ວມມືກັນ,ສົ່ງເສີມການພັດທະນາດ້ວຍການຮ່ວມມືກັນ,ແລະແກ້ໄຂຄວາມຂັດແຍ່ງດ້ວຍການຮ່ວມມືກັນ.ປະຕິບັດນະໂຍບາຍພື້ນຖານຂອງຊາດທີ່ໄຂປະຕູສູ່ພາຍນອກແລະຍຸດທະສາດໄຂປະຕູທີ່ຕ່າງຝ່າຍຕ່າງໄດ້ຮັບຜົນປະໂຫຍດຢ່າງເດັດດ່ຽວໜຽວແໜ້ນ.ພ້ອມກັນນັ້ນກໍ່ຈະເຄົາລົບເຊິ່ງກັນແລະກັນ ເປີດກວ້າງຄວາມຮັບຮູ້ທີ່ຄືກັນແລະກົມກຽວກັນກັບປະເທດຕ່າງໆ;ເພີ່ມທະວີການແລກປ່ຽນກັບອະລະຍະທຳທີ່ຕ່າງກັນ ເພີ່ມຄວາມເຂົ້າໃຈກັນແລະຊຸກຍູ້ເຊິ່ງກັນແລະກັນ.
ກອງປະຊຸມຍັງຊີ້ອອກວ່າ,ຈີນຈະປົກປັກຮັກສາຄວາມປອດໄພແລະສິດປະໂຫຍດທີ່ຊອບກົດໝາຍຂອງອົງການແລະຊາວຈີນຢູ່ຕ່າງປະເທດ,ປົກປັກຮັກສາສິດຜົນປະໂຫຍດທີ່ຊອບທຳຂອງຊາວຈີນຕ່າງດ້າວ ພີ່ນ້ອງຮ່ວມຊາດເຂດບໍລິຫານພິເສດຮົງກົງ ມາກາວແລະພີ່ນ້ອງຮ່ວມຊາດໄຕ້ຫວັນຕາມກົດໝາຍ.
|
|
|
