|
ຮອງນາຍົກລັດຖະມົນຕີຈີນ,ຫວັງໃຫ້ຈີນເວເນຊູເອຣາຂະຫຍາຍຂະໜາດແລະຂົງເຂດການຮ່ວມມືຢ່າງບໍ່ຢຸດຢັ້ງ
cri
Author: da
|
ຕາມຂ່າວCRI:ວັນທີ24ສິງຫາ ຢູ່ປັກກິ່ງ ທ່ານເຈີ່ງເພີຍອຽນ ຮອງ ນາຍົກລັດຖະມົນຕີຈີນເວົ້າວ່າ,ຫວັງໃຫ້ຈີນກັບເວເນຊູເອຣາຍຶດໝັ້ນຫຼັກການທີ່ຕ່າງຝ່າຍຕ່າງມີຜົນປະໂຫຍດແລະເອົາໃຈໃສ່ນຳຜົນຕົວຈິງ,ຂະຫຍາຍຂະໜາດແລະຂົງເຂດການຮ່ວມມືຢ່າງບໍ່ຢຸດຢັ້ງ ແລະຍົກລະດັບຮ່ວມມືໃຫ້ສູງຂຶ້ນ,ປະກອບສ່ວນໃໝ່ເຂົ້າໃນການຊຸກຍູ້ການຮ່ວມມືດ້ວຍໄມຕິຈິດລະຫວ່າງສອງປະເທດໃຫ້ຂະຫຍາຍຕົວຢ່າງຍາວນານແລະໝັ້ນທ່ຽງ.
ທ່ານເຈີ່ງເພີຍອຽນແມ່ນໃຫ້ທັດສະນະດັ່ງກ່າວໃນເວລາພ້ອມກັນກັບທ່ານຮິວໂກ ຣາແຟນ ຈາເວັສ ປະທານາທິບໍດີເວເນຊູເອຣາເຂົ້າຮ່ວມກອງປະຊຸມຄະນະກຳມະການປະສົມຊັ້ນສູງຈີນເວເນຊູເອຣາຄັ້ງທີ 5 .
ທ່ານຈາເວັສເວົ້າວ່າ,ລັດຖະບານເວເນຊູເອຣາໄດ້ຖືການຂະຫຍາຍການພົວພັນກັບຈີນເປັນຈຸດໜັກຂອງການພົວພັນກັບຕ່າງປະເທດຂອງເວເນຊູເອຣາຢ່າງສະເໝີຕົ້ນສະເໝີປາຍ,ຍິນດີພ້ອມກັນກັບຝ່າຍຈີນປັບປຸງແລະລົງເລິກຂະຫຍາຍການພົວພັນຄູ່ຂາຍຸດທະສາດລະຫວ່າງສອງປະເທດ,ສ້າງອະນາຄົດອັນກວ້າງຂວາງກວ່າເກົ່າແກ່ການຮ່ວມມືລະຫວ່າງສອງປະເທດ.
ມື້ດຽວກັນ ທ່ານຈາເວັສຍັງໄດ້ທັດສະນາຈອນທະນາຄານພັດທະນາແຫ່ງຊາດຈີນ,ທ່ານໄດ້ສະແດງຄວາມເພິ່ງພໍໃຈທີ່ສອງປະເທດເວເນຊູເອຣາກັບຈີນໄດ້ຮ່ວມກັນຈັດຫາທຶນຮ່ວມມືກັນທາງການເງິນໃນດ້ານພື້ນຖານໂຄງລ່າງແລະໃນຂົງເຂດທີ່ກ່ຽວຂ້ອງ.
ໃນກອງປະຊຸມທີ່ຈັດຂຶ້ນຢູ່ປັກກິ່ງໃນມື້ດຽວກັນ ທ່ານມາໄຂ ຫົວໜ້າຄະນະກຳມະການພັດທະນາແລະປະຕິຮູບແຫ່ງລັດຈີນແລະທ່ານຮີໂອດານີ ລັດຖະມົນຕີກະຊວງແຜນການພັດທະນາເວເນຊູເອຣາໄດ້ກ້າວເຖິງຂັ້ນມີຄວາມຮັບຮູ້ຄືກັນແລະກ່າວວ່າ,ຈີນກັບເວເນຊູເອຣາຈະຮ່ວມມືຮອບດ້ານໃນຂົງເຂດເສດຖະກິດການຄ້າແລະວິທະຍາສາດເຕັກນິກເປັນຕົ້ນ.
|
|
