|
|
 |
| (GMT+08:00)
2006-08-25 18:58:32
|
 |
|
ອົງການອຳນາດລັດຂອງຈີນສະເໜີໃຫ້ເກັບພາສີບໍລິໂພກຕໍ່ພະລັງງານທີ່ເກີດໃໝ່ບໍ່ໄດ້ເຊັ່ນຖ່ານຫີນເປັນຕົ້ນ
cri
Author: ,mo
ຕາມຂ່າວCRI: ເພື່ອປະຢັດພະລັງງານແລະຫຼຸດການສິ້ນເປືອງໃຫ້ໜ້ອຍລົງຕື່ມອີກ, ຄະນະປະຈຳສະພາປະຊາຊົນແຫ່ງຊາດຈີນ ຊື່ງເປັນອົງການອຳນາດລັດຂອງຈີນໄດ້ສະເໜີໃຫ້ເປີດກວ້າງຂອບເຂດເກັບພາສີບໍລິໂພກທີ່ຈີນປະຕິບັດໃນປັດຈຸບັນອອກຮອດພະລັງງານທີ່ເກີດໃໝ່ບໍ່ໄດ້ເຊັ່ນຖ່ານຫີນເປັນຕົ້ນ ແລະຜະລິດຕະພັນທີ່ກ່ຽວຂ້ອງ, ພ້ອມທັງຍົກອັດຕາພາສີໃຫ້ສູງຂຶ້ນເທື່ອລະກ້າວ.
ທ່ານລີເຖຍອິ້ງ ຮອງປະທານຄະນະປະຈຳສະພາປະຊາຊົນແຫ່ງຊາດຈີນໄດ້ເຜີຍໃຫ້ຮູ້ຂ່າວດັ່ງກ່າວໃນບົດລາຍງານສະບັບໜຶ່ງຂອງທ່ານທີ່ກ່າວຢູ່ທີ່ປັກກິ່ງວັນທີ 25 ສິງຫາ.
ບົດລາຍງານຍັງສະເໜີໃຫ້ລັດຖະບານເກັບພາສີນ້ຳມັນເຊື້ອໄຟໂດຍໄວ, ວາງນະໂຍບາຍການເງິນທີ່ສົ່ງເສີມໃຫ້ໃຊ້ຜະລິດພະພັນທີ່ປະຢັດພະລັງງານ; ແລະຖືມາດຖານສິ້ນເປືອງພະລັງງານເປັນຂໍ້ບັງຄັບໃນການພິຈາລະນາອະນຸມັດໂຄງການຢ່າງເຂັ້ມງວດ, ເພື່ອສະກັດກັ້ນບໍ່ໃຫ້ຂະແໜງການທີ່ສິ້ນເປື້ອງພະລັງງານຫຼາຍເພີ່ມຂຶ້ນໄວໂພດ.
ຕາມຊາບວ່າ, ຈີນຈະດັດແປງກົດໝາຍວ່າດ້ວຍການປະຢັດພະລັງງານທີ່ປະຕິບັດມາໄດ້ 8 ປີແລ້ວ, ເພື່ອສ້າງກົນໄກທີ່ໃຜປະຢັດພະລັງງານຜູ້ນັ້ນໄດ້ຮັບຜົນດີ.
|
|
|
