|
|
 |
| (GMT+08:00)
2006-08-25 20:35:19
|
 |
|
ຝ່າຍຈີນປະທ້ວງຍີ່ປຸ່ນຢ່າງຮຸນແຮງທີ່ອະນຸຍາດໃຫ້ຜູ້ບັນຊາການກອງທັບບົກໄຕ້ຫວັນໄປຢ້ຽມຢາມຍີ່ປຸ່ນ
cri
Author: mo
ຕາມຂ່າວCRI: ວັນທີ 25 ສິງຫາ, ທ່ານລິວຈ້ຽນຊາວ ໂຄສົກກະຊວງການຕ່າງປະເທດຈີນກ່າວວ່າ, ຝ່າຍຈີນປະທ້ວງຢ່າງຮຸນແຮງຕໍ່ຍີ່ປຸ່ນທີ່ອະນຸຍາດໃຫ້ຜູ້ບັນຊາການກອງທັບບົກໄຕ້ຫວັນໄປຢ້ຽມຢາມຍີ່ປຸ່ນ.
ສື່ມວນຊົນຍີ່ປຸ່ນແຈ້ງຂ່າວວ່າ, ຫວ່າງມໍ່ໆນີ້, ທ່ານຫູເຈີ້ນຝູ ຜູ້ບັນຊາການກອງທັບບົກໄຕ້ຫວັນໄປຢ້ຽມຢາມຍີ່ປຸ່ນໃນນາມທັດສະນາຈອນ, ແລະໄດ້ເບິ່ງການຊ້ອມລົບຍິງປືນແທ້ຂອງກອງປ້ອງກັນຕົວເທິງບົກຂອງຍີ່ປຸ່ນໃນວັນທີ 24 ສິງຫາ.
ຕໍ່ເລື່ອງນີ້, ທ່ານລີວຈ້ຽນຊາວໄດ້ວິຈານວ່າ, ລັດຖະບານຍີ່ປຸ່ນອະນຸຍາດໃຫ້ທ່ານຫູເຈີ້ນຟູຢ້ຽມຢາມຍີ່ປຸ່ນແມ່ນເຫດການອັນໜັກໜ່ວງໃນການພົວພັນລະຫວ່າງຈີນກັບຍີ່ປຸ່ນ. ຝ່າຍຈີນປະທ້ວງຢ່າງຮຸນແຮງຕໍ່ການກະທຳດັ່ງກ່າວຂອງຝ່າຍຍີ່ປຸ່ນທີ່ຝ່າຝືນຫຼັກການທີ່ກ່ຽວຂ້ອງຂອງເອກະສານການເມືອງສາມສະບັບລະຫວ່າງຈີນກັບຍີ່ປຸ່ນແລະຄຳໝັ້ນສັນຍາທີ່ກ່ຽວຂ້ອງຢ່າງບັງອາດ. ຝ່າຍຈີນທວງຢ່າງຮຸນແຮງໃຫ້ລັດຖະບານຍີ່ປຸ່ນສະແດງຫຼັກໝັ້ນຈີນດຽວດ້ວຍການກະທຳຕົວຈິງ, ປະຕິບັດຕໍ່ຫຼັກໝັ້ນອັນເຄັ່ງຂືມແລະຄວາມສົນໃຈຢ່າງສູງຂອງຝ່າຍຈີນຢ່າງຕັ້ງໜ້າ, ປ້ອງກັນບໍ່ໃຫ້ເຫດການທີ່ຄ້າຍຄືກັນນີ້ເກີດຂຶ້ນອີກ.
|
|
|
