|
|
 |
| (GMT+08:00)
2006-08-27 18:34:10
|
 |
|
ຮອງນາຍົກລັດຖະມົນຕີສິງກະໂປສິ້ນສຸດການຢ້ຽມຢາມຈີນ
cri
Author: mo
ຕາມຂ່າວສານຊີນຮວາ: ວັນທີ 27 ສິງຫາ, ທ່ານວອງກັນເຊັງ ຮອງນາຍົກລັດຖະມົນຕີສິງກະໂປໄດ້ເດີນທາງອອກຈາກຊຽງໄຮ້, ສິ້ນສຸດການຢ້ຽມຢາມຈີນຢ່າງເປັນທາງການເປັນເວລາ 7 ມື້.
ທ່ານວອງກັນເຊັງແມ່ນມາຢ້ຽມຢາມຈີນຕາມຄຳເຊີນຂອງທ່ານນາງອູອີ ຮອງນາຍົກລັດຖະມົນຕີຈີນ. ກ່ອນໜ້ານີ້, ທ່ານໄດ້ໄປຢ້ຽມຢາມສວນອຸດສາຫະກຳຊູໂຈວແລະນະຄອນປັກກິ່ງ.
ໃນໄລຍະຢ້ຽມຢາມປັກກິ່ງ, ທ່ານນາງອູອີກັບທ່ານວອງກັນເຊັງໄດ້ຮ່ວມກັນເປັນປະທານຈັດກອງປະຊຸມຄັ້ງທີ 3 ຂອງຄະນະກຳມະການປະສົມການຮ່ວມມືສອງຝ່າຍຈີນສິງກະໂປແລະກອງປະຊຸມຄັ້ງທີ 8 ຂອງຄະນະມົນຕີປະສານງານຮ່ວມຈີນສິງກະໂປຂອງສວນອຸດສາຫະກຳຊູໂຈວ. ທ່ານເວີ່ນເຈຍປາວ ນາຍົກລັດຖະມົນຕີຈີນຍັງໄດ້ພົບປະທ່ານວອງກັນເຊັງ. ທ່ານເວີ່ນເຈຍປາວກ່າວເນັ້ນວ່າ, ກອງປະຊຸມຄະນະກຳມະການປະສົມການຮ່ວມມືສອງຝ່າຍຈີນສິງກະໂປໄດ້ມີຄວາມເຫັນຄືກັນກ່ຽວກັບບັນຫາເລີ່ມຈັດການເຈລະຈາເຂດການຄ້າເສລີຂອງສອງປະເທດ, ເຊິ່ງມີຄວາມໝາຍສຳຄັນຕໍ່ການລົງເລິກການຮ່ວມມືເສດຖະກິດຈີນສິງກະໂປ.
|
|
|
