|
ປະຊາຊົນເຂດໄພແຜ່ນດິນໄຫວຢູ່ເມືອງນ້ອຍຢຽນຈີ່ນແຂວງຢຸນນານຂອງຈີນໄດ້ຟື້ນຟູການຜະລິດແລະຊີວິດການເປັນຢູ່ທີ່ເປັນປົກກະຕິໂດຍພື້ນຖານແລ້ວ
cri
Author: cai
ຕາມຂ່າວສານຊີນຮວາ:ພາຍຫຼັງເມືອງນ້ອຍຢຽນຈີ່ນ ແຂວງຢຸນນານ ພາກຕາເວັນຕົກສຽງໃຕ້ຂອງຈີນໄດ້ເກີດແຜ່ນດິນໄຫວຂັ້ນ 5,1 ລິກເຕີແລ້ວ,ອົງການປົກຄອງທ້ອງຖິ່ນໄດ້ຈັດຕັ້ງກຳລັງໄປກູ້ໄພຢ່າງວ່ອງໄວ,ຈັດວາງຊີວິດການເປັນຢູ່ຂອງຊາວປະສົບໄພຢ່າງເໝາະສົມ.ນັບມາຮອດວັນທີ 26 ສິງຫາ,ປະຊາຊົນເຂດປະສົບໄພໄດ້ຟື້ນຟູການຜະລິດແລະຊີວິດການເປັນຢູ່ທີ່ເປັນປົກກະຕິໂດຍພື້ນຖານແລ້ວ.
ປະຈຸບັນ,ຢູ່ເຂດໄພແຜ່ນດິນໄຫວ,ນ້ຳປະປາ ໄຟຟ້າ ເສັ້ນທາງແລະໂທລະຄົມເປັນຕົ້ນໄດ້ຟື້ນຟູໂດຍພື້ນຖານແລ້ວ.ບົນພື້ນຖານຮັບປະກັນຄວາມປອດໄພດ້ານການກິນການຢູ່ຂອງປະຊາຊົນແລະຄວາມໝັ້ນຄົງຂອງສັງຄົມ,ອົງການປົກຄອງທ້ອງຖິ່ນຍັງຈະເຮັດວຽກປ້ອງກັນແລະປົວພະຍາດຢູ່ເຂດປະສົບໄພໃຫ້ດີຂຶ້ນຕື່ມອີກ.
ຕອນບ່າຍວັນທີ 25 ສິງຫາ,ເມືອງນ້ອຍຢຽນຈີ່ນໄດ້ເກີດແຜ່ນດິນໄຫວຂັ້ນ 5,1 ລິກເຕີ,ພາໃຫ້ 3 ແສນ 1 ໝື່ນກວ່າຄົນປະສົບໄພ,1 ຄົນຕາຍ.ພາຍຫຼັງເກີດແຜ່ນດິນໄຫວແລ້ວ,ພາກສ່ວນທີ່ກ່ຽວຂ້ອງຂອງແຂວງຢຸນນານໄດ້ສົ່ງຕູບຜ້າເຕັນ ເຄື່ອງກິນແລະຢຸກຢາໄປໃຫ້ເຂດປະສົບໄພຢ່າງວ່ອງໄວ.
|
|
