|
ເລີ່ມກວດຮັບດ້ານເຕັກນິກຕໍ່ໂຄງການຮ່ອມຊານເຊ່ຍຕອນຂັງນ້ຳທີ່ສູງ ແມັດ
cri
Author: sayvanny
ຕາມຂ່າວສານຊີນຮວາ: ວັນທີ 27 ສິງຫາ, ວຽກງານກວດຮັບດ້ານເຕັກນິກຕໍ່ໂຄງການຮ່ອມຊານເຊຍແມ່ນ້ຳຢາງເຊຕອນຂັງນ້ຳທີ່ສູງ 156 ແມັດໄດ້ເລີ່ມຕົ້ນຢ່າງເປັນທາງການ.
ຕາມຊາບວ່າ, ວຽກງານກວດຮັບໂຄງການຮ່ອມຊານເຊຍຕອນຂັງນ້ຳທີ່ສູງເຖິງ 156 ແມັດຈະແບ່ງເປັນສອງໄລຍະຄື ກວດຮັບດ້ານເຕັກນິກພາກຕົ້ນແລະພາກປາຍ.ການກວດຮັບດ້ານເຕັກນິກພາກຕົ້ນແມ່ນເລີ່ມແຕ່ວັນທີ 27 ເປັນເວລາ 7 ມື້,ຫນ່ວຍຊ່ຽວຊານຈະໄປສຳຫລວດຢູ່ກັບບ່ອນ,ກວດກາເອກະ ສານ, ຮັບຟັງການລາຍງານລະອຽດຂອງຝ່າຍຕ່າງໆຄື ຝ່າຍອອກແບບ,ຝ່າຍກໍ່ສ້າງ,ຝ່າຍຕິດຕາມກວດກາແລະຝ່າຍປະເມີນຄວາມປອດໄພ,ແລະຈະຈັດງານສຳມະນາ, ສຸດທ້າຍຈະປະກອບເປັນຄວາມເຫັນແລະຂໍ້ສະເຫນີສັງລວມ. ກອງປະຊຸມກວດຮັບເປັນທາງການຈະໄຂຂຶ້ນແຕ່ວັນທີ 2 ຫາວັນທີ 5 ກັນຍາ, ສ່ວນການກວດຮັບດ້ານເຕັກນິກພາກຕົ້ນທີ່ດຳເນີນກ່ອນນັ້ນຈະສ້າງພື້ນຖານໃຫ້ແກ່ວຽກງານກວດຮັບຢ່າງເປັນທາງການ,ແລະໃຫ້ການສະຫນັບສະຫນູນດ້ານເຕັກນິກ.
ວັນທີ 20 ພຶດສະພາ,ເຂື່ອນຊານເຊຍທີ່ສູງ 185 ແມັດໄດ້ສ້າງສຳເລັດ.ຕາມແຜນການ,ພາຍຫລັງໄລຍະນ້ຳມາກປີນີ້ແລ້ວ, ອ່າງຂັງນ້ຳຮ່ອມຊານເຊຍຈະຂັງນ້ຳທີ່ສູງ156 ແມັດ,ເມື່ອຮອດຍາມນັ້ນ, ໂຄງການຮ່ອມຊານເຊຍຈະເສີມຂະຫຍາຍບົດບາດຮອບດ້ານໃນດ້ານຜະລິດໄຟຟ້າ, ເດີນເຮືອແລະປ້ອງກັນໄພນ້ຳຖ້າມ.
|
|
