|
ຫລັກຫມັ້ນແລະທ່າທີຂອງຈີນໃນການປົກປ້ອງສິດຊັບສິນທາງປັນຍາແມ່ນສະເຫມີຕົ້ນສະເຫມີປາຍແລະເດັດດ່ຽວຫນຽວແຫນ້ນ
cri
Author: sayvanny
ຕາມຂ່າວ CRI: ວັນທີ 28 ສິງຫາຢູ່ທີ່ປັກກິ່ງ,ທ່ານໂປຊີລາຍ ລັດຖະມົນຕີວ່າການກະຊວງການຄ້າຈີນເວົ້າຕໍ່ທ່ານນາງຊູຊັນ.ສວັບ ຜູ່ຕາງຫນ້າການຄ້າຂອງອາເມລິກາວ່າ, ຫລັກຫມັ້ນແລະທ່າທີຂອງຈີນໃນການປົກປ້ອງສິດຊັບສິນທາງປັນຍາແມ່ນສະເຫມີຕົ້ນສະເຫມີປາຍແລະເດັດດ່ຽວຫນຽວແຫນ້ນ.
ໃນເວລາພົບປະກັບທ່ານນາງສະວັບ,ທ່ານໂປຊີລາຍເວົ້າວ່າ, ປັດຈຸບັນ, ລັດຖະບານຈີນພວມເພີ່ມທະວີວຽກງານປົກປ້ອງສິດຊັບສິນທາງປັນຍາຈາກຫລາຍດ້ານຄື ການນິຕິບັນຍັດ,ການອົບຮົມ,ການໃຫ້ວິສາຫະກິດຈຳກັດຕົນເອງ, ການແລກປ່ຽນແລະຮ່ວມມືກັບສາກົນເປັນຕົ້ນ,ແລະໄດ້ຮັບຄວາມຄືບຫນ້າຢ່າງບັງເກີດຜົນ.ທ່ານໄດ້ສະແດງຄວາມສົນໃຈຂອງຝ່າຍຈີນຄື ຖານະເສດຖະກິດຕະຫລາດ,ອາເມລິກາຜ່ອນຄາຍການຈຳກັດການຄ້າຂາອອກຕໍ່ຈີນ, ການເຮັດວິຊາການຄ້າໄປອາເມລິກາຂອງວິສາຫະກິດຈີນ ເປັນຕົ້ນ.ທ່ານເວົ້າວ່າ, ການແກ້ໄຂບັນຫາເຫລົ່ານີ້ຈະເພີ່ມກຳລັງແຮງອັນໃຫມ່ເຂົ້າໃນການຂະຫຍາຍການພົວພັນເສດຖະກິດການຄ້າລະຫວ່າງຈີນກັບອາເມລິກາ, ຍົກລະດັບການຮ່ວມມືລະຫວ່າງຈີນອາເມລິກາທາງດ້ານເສດຖະກິດການຄ້າໃຫ້ສູງຂຶ້ນຕື່ມ.
ທ່ານນາງສະວັບໄດ້ສະແດງຄວາມເຫັນດີເຫັນພ້ອມຕໍ່ເລື່ອງນີ້.ທ່ານນາງເວົ້າວ່າ, ການຂະຫຍາຍການພົວພັນເສດຖະກິດການຄ້າລະຫວ່າງອາເມລິກາກັບຈີນສອດຄ່ອງກັບຜົນປະໂຫຍດກົກຮາກຂອງສອງປະເທດ,ແມ່ນຫມາກຜົນທີ່ຊະນະທັງສອງຝ່າຍແລະຫລາຍຝ່າຍ.ຝ່າຍອາເມລິກາໃຫ້ຄວາມສຳຄັນຕໍ່ຄວາມສົນໃຈຂອງຝ່າຍຈີນ, ຍິນດີຮັກສາການທຳຄວາມເຂົ້າໃຈກັບຝ່າຍຈີນ, ດຳເນີນການຮ່ວມມືກັນ.
|
|
