|
|
 |
| (GMT+08:00)
2006-08-31 17:42:39
|
 |
|
ງານສຳມະນາຂອງສື່ມວນຊົນຈີນຣັດເຊຍໄຂຂຶ້ນຢູ່ປັກກິ່ງ
cri
ຕາມຂ່າວສານຊີນຮວາ,ວັນທີ31ສິງຫາ,ງານສຳມະນາຂອງສື່ມວນຊົນຈີນຣັດເຊຍທີ່ເປັນໜຶ່ງໃນກິດຈະກຳຕ່າງໆຂອງ"ປີຈີນຣັດເຊຍ"ລະຫວ່າງຈີນກັບຣັດເຊຍໄດ້ຈັດຂຶ້ນຢູ່ປັກກິ່ງ.ທ່ານນາງອູອີ ຮອງນາຍົກລັດຖະມົນຕີຈີນ ປະທານຄະນະກຳມະການຝ່າຍຈີນທີ່ຈັດຕັ້ງ"ປີຈີນຣັດເຊຍ"ຂອງຝ່າຍຈີນແລະທ່ານດີມີຕຼີ ເມັດເວເດັຟ ຮອງນາຍົກລັດຖະມົນຕີຜູ້ທີໜຶ່ງ ປະທານຄະນະກຳມະການຝ່າຍຣັດເຊຍທີ່ຈັດຕັ້ງ"ປີຈີນຣັດເຊຍ"ໄດ້ສົ່ງຄຳອວຍພອນມາຍັງງານສຳມະນາ.
ທ່ານນາງອູອີຊີ້ອອກວ່າ,ປັດຈຸບັນ,ການພົວພັນຈີນຣັດເຊຍໄດ້ເຂົ້າສູ່ໄລຍະໃໝ່ແຫ່ງການຂະຫຍາຍຕົວຄັ້ງປະຫວັດສາດ,ສື່ມວນຊົນຈີນຣັດເຊຍຕ້ອງກ້າວໄປໜ້ານຳຍຸກສະໄໝ,ເພີ່ມທະວີການແລກປ່ຽນກັນ,ເປີດກວ້າງການແລກປ່ຽນຂ່າວຊຶ່ງກັນແລະກັນ,ສ້າງຂົວຂໍ້ມູນຂ່າວສານອັນດີງາມໃຫ້ແກ່ສອງປະເທດແລະປະຊາຊົນສອງຊາດໃນການເພີ່ມທະວີການຮ່ວມມືແລະແລກປ່ຽນກັນ.
ໃນຄຳອວຍພອນ,ທ່ານເມັດເວເດັຟກ່າວວ່າ,ຜູ້ປະຕິບັດງານດ້ານຖະແຫຼງ ຂ່າວແມ່ນຫັນໜ້າໄປສູ່ປະຊາຊົນອັນໄພສານ,ເຂົາເຈົ້າມີບົດບາດທີ່ທົດແທນບໍ່ໄດ້ໃນການເພີ່ມຄວາມເຂົ້າໃຈແລະຄວາມໄວ້ເນື້ອເຊື່ອໃຈກັນລະຫວ່າງປະຊາຊົນ.
ງານສຳມະນາເທື່ອນີ້ຈັດເປັນເວລາສອງມື້,ມີຫົວຂໍ້ວ່າ ພາລະໜ້າທີ່ທາງສັງຄົມຂອງຜູ້ປະຕິບັດງານຖະແຫຼງຂ່າວ.ຜູ່ແທນ80ກວ່າຄົນຂອງສື່ມວນຊົນ50ກວ່າແຫ່ງແລະອົງການຄົ້ນຄວ້າຖະແຫຼງຂ່າວຂອງຈີນຣັດເຊຍໄດ້ເຂົ້າຮ່ວມກອງປະຊຸມ.
|
|
|
